Bul týraly İshki ister mınıstrliginiń aptalyq brıfıńinde belgili boldy, dep habarlaıdy Almaty-akshamy.kz BAQ.KZ-ke silteme jasap.
Bir apta ishinde 2775 qylmys jasaldy, onyń 1681-i táýlik ishinde ashyldy, - dep atap ótti eldegi krımınogendik jaǵdaıǵa toqtalǵan vedomstvonyń ókili Shuǵyla Turlybek.
Aıtýynsha, tártip saqshylary birqatar qylmysty izin sýytpaı ashqan.
Polısıa qyzmetkerleri «izin sýytpaı» 8 kisi óltirý, 3 ólimge ákep soqqan densaýlyqqa qasaqana aýyr zıan keltirý, 3 qaraqshylyq, 44 tonaý jáne 378 bóten múlikti urlaý qylmystaryn ashty, - dedi mınıstrlik ókili.
Sonymen qatar vedomstvo basshysy Mańǵystaý oblysyna issaparmen barǵany belgili boldy.
Mınıstr Marat Ahmetjanov Mańǵystaý oblysynyń turǵyndarymen kezdesti. Mańǵystaý – ejelgi órkenıet pen tarıhı eskertkishter mekeni. Qart Kaspııdiń qushaǵyndaǵy qala – Aqtaý. İshki ister mınıstri Marat Ahmetjanovtyń 2023 jylǵa josparlanǵan halyqpen kezdesýi dál osy óńirden bastaldy. Negizgi maqsat – halyqtyń muń-muqtajyna qulaq asyp, óńirdegi polısıa qyzmetkerleriniń jumysyn tekserý, Memleket basyshynyń reformalaryn jurtqa jetkizip, problemalyq máselelerdiń sheshý joldaryn qarastyrý. Mınıstr azamattarǵa eń aldymen Qoǵamdyq qaýipsizdikti qoǵammen seriktestikte qamtamasyz etý konsepsıasy týraly aıtty. Qujattyń mańyzdylyǵyna toqtalyp, basty baǵyttaryn saralap, erekshelikterin túsindirdi. Sonymen qatar shara barysynda aımaqtaǵy krımınogendik ahýal týraly aqparat berildi. Mınıstr jalpy qylmystyń 66%-y oblys ortalyǵynda jasalatynyn atap ótti, - dedi Shuǵyla Turlybek.
Sondaı-aq Mańǵystaýda 71 urlyq, 1 mal urlyǵy, sondaı-aq jyl basynan beri bir aı ishinde 26 alaıaqtyq faktisi tirkelgeni aıtyldy.
Óńirde ákimdik pen polısıanyń nátıjeli jumysynyń arqasynda kópshilikke úlgi bolǵan aýyldar týraly da maǵlumat berildi. Mańǵystaý aýdanynyń Ońdy aýyly men Túpqaraǵan aýdanynyń Taýshyq aýylynda qabyldanǵan sharalardyń tıimdiliginiń arqasynda birde-bir qylmys oryn almaǵan. Ashyq formatta ótken kezdesýde turǵyndar suraq qoıyp qana qoımaı, túrli másele boıynsha óz pikirlerin aıtyp, usynystaryn bildirdi, - dedi ol.