Básekelestikti qorǵaý jáne damytý agenttigi Iandeks Taksıge qatysty tergeýdi aıaqtady, dep habarlaıdy almaty-akshamy.kz.
Tergeý qorytyndysy boıynsha kompanıa baqylaý-kassalyq mashınalardyń baǵdarlamalyq qamtamasyz etýin tehnıkalyq qoldaý qyzmetterin júkteýde kórsetilgen taksoparkterdiń ekonomıkalyq qyzmetin úılestirgeni úshin ákimshilik jaýapkershilikke tartyldy. Sondaı-aq, Iandeks Taksı monopolıaǵa qarsy organǵa aqparat bermegeni úshin de ákimshilik jaza aldy.
Iandeks Taksı Qazaqstannyń sıfrlyq ekojúıesin qoldaý qoryna óz erkimen 3 mlrd teńge aýdardy.
Sondaı-aq agenttik pen Iandeks Taksı monopolıaǵa qarsy komplaens jasasyp, onyń aıasynda mynadaı sharalar keshenin iske asyrý kózdelgen:
— birinshiden, júrgizýshiler úshin eńbekaqyny arttyrý shartynyń biri retinde, eger tapsyrys jol júrý aqysynyń bazalyq qunynan eki ese asatyn bolsa, osy jyldyń 14 jeltoqsanynan bastap, Iandeks komısıasyn óndirip alýdy toqtatatyn boldy; (ekonomıkalyq áseri jylyna shamamen 2 mlrd teńgege);
— júrgizýshiler úshin qosymsha bonýstyq baǵdarlama engizý (2024 jyly sala aınalymy men ınflásıanyń ósýine baılanysty 7-10 mlrd teńge);
— tarıf qalyptastyrýdyń ashyqtyǵyn arttyrý maqsatynda tarıfti ne úshin kótergeni jáne qandaı ózgeris bolǵany týraly negizdeme keltire otyra, paıdalanýshy qosymshasyn jaqsartý.
— ekinshiden, jolaýshylar úshin jańartylǵan «Birge» tarıfi engiziledi, ol tipti eń joǵary suranys bolyp turǵannyń ózinde, tómen baǵamen taksıge tapsyrys berýge múmkindik beredi (tarıfti h2-ge deıin kóterýge shekteýler);
— agregator taksı qyzmetterine eń joǵary suranys jaǵdaıynda, mysaly, qolaısyz aýa raıynda nemese mereke kúnderi h3-ten joǵary tarıfti kóterýge shekteýler engizedi — toqsanyna atalmysh deńgeıden joǵary saparlardyń sany 5% — dan aspaıtyn bolady;
— balamen júretin jolaýshylar úshin «balalar» tarıfi engiziledi, ol balalar kreslosy nemese býsteri bar avtokólikti shaqyrýǵa múmkindik beredi.
Taksı júrgizýshilerimen tıimdi qarym-qatynas jasaý jáne klıenttermen baılanysty qoldaý úshin sall-ortalyqta «kádimgi» operator jumys isteıtin bolady.
Sonymen qatar, jolaýshylar men júrgizýshilerdiń múddeleriniń tepe-teńdigin qamtamasyz etetin kelesi júıeli sharalar qabyldandy:
— Agenttik zańnamaǵa túzetý engizýge bastamashylyq jasady, olardy engizý júrgizýshilerge Iandeks-pen taksoparksiz tikeleı jumys isteýge múmkindik beredi (taksopark komısıasy — 4-8%);
— Iandeks baǵdarlamalyq qamtamasyz etýdi, sondaı-aq baǵa belgileýge áser etetin faktorlardy (aýa raıy jaǵdaısy, mereke kúnderi, suranystyń artýy, júrgizýshilerdiń bolmaýy jáne t. b.) egjeı-tegjeıli zerdeleý úshin IT salasyndaǵy táýelsiz aýdıtorlyq kompanıa agenttikpen, Sıfrlyq damý jáne aeroǵarysh ónerkásibi mınıstrligimen birlesip algorıtmdik baǵa belgileý aýdıtin júrgizedi.
«Iandeks mindettemeleriniń monopolıaǵa qarsy komplaens sheńberinde oryndalýy agenttik janyndaǵy arnaıy monıtorıń tobynyńbaqylaýynda bolady. Onyń quramyna kásibı qoǵamdastyqtardyń sarapshylary (bastamashyl toptardyń, kólik, eńbek jáne halyqty áleýmettik qorǵaý, ádilet, sıfrlyq damý jáne ınovasıalar mınıstrlikteriniń, sondaı-aq taksoparkter qaýymdastyǵynyń ókilderi) kiredi. Bul týyndaıtyn syn-qaterlerdi ýaqtyly qaraýǵa múmkindik beredi. Sonymen qatar, bolashaqta básekelestikti qorǵaý salasyndaǵy zańnamany buzý faktileri anyqtalǵan kezde agenttik zańnamada belgilengen tıisti sharalardy qoldanady. Komplaenspen tolyǵyraq myna jerden tanysýǵa bolady» dep málimdedi agenttikten.