Halyqaralyq áıelder kúni qarsańynda Qazaqstannyń Tótenshe jaǵdaılar mınıstrligi bizdiń keremet, kúshti, batyl jáne shabyttandyratyn qyzmetkerlerimizdi quttyqtaýǵa arnalǵan chellendjdi bastady!
Osy chellendj aıasynda TJM kúndelikti qaýipsizdikti qamtamasyz etetin jáne ómirlerdi qutqaratyn adamdar týraly sóz qozǵaıdy.
Azamattyq qorǵaý organdarynda ártúrli kásipterdegi áıelder qyzmet etedi, olardyń eńbegi bizdiń júıemizde mańyzdy ról atqarady. Bul áıelder - ushqyshtar, kınologtar, qutqarýshylar, dıspecherler, radıotelefonshylar, ınspektorlar, TJ basqarmalary men bólimderiniń bastyqtary, psıhologtar, dárigerler jáne ortalyq apparattyń mamandary. Osyndaı qıyn jumysta olar óz kásibine degen adaldyqty otbasyna qamqorlyqpen biriktiredi, olardyń kópshiligi kóp balaly analar.
Ar — namysy men qadir-qasıeti bar áıelder erler kásibiniń júgin, ıaǵnı respýblıka azamattary men aýmaǵyn ártúrli sıpattaǵy tótenshe jaǵdaılardan qorǵaýdy óz moınyna alady. Azamattyq qorǵaý organdaryndaǵy qyzmet áıelderden kóptegen daǵdylar men jaýapkershilikti talap etedi jáne olar ózderiniń jumysyna degen adaldyqtarynda er adamdardan kem túspeıdi.