Almaty metrosynda Face Pay ınovasıalyq júıesi iske qosyldy, dep habarlaıdy almaty-akshamy.kz.
Endi jolaýshylar smartfon nemese tólem kartasyn paıdalanbaı, jol aqysyn bet-álpet arqyly tóleı alady. Ol úshin «Face Pay tólemi» týrnıketine baryp, kameraǵa qarasańyz bolǵany. Jol aqysy Halyk qosymshasyndaǵy «Tólemder» bólimine tirkelgen bank kartasynan alynady.
Jol aqysyn tóleýdiń bul yńǵaıly ári qaýipsiz ádisi jasandy ıntellektke negizdelgen. Eki bekette sátti tekseristen ótkesin júıe barlyq metro beketinde iske qosylady.
Ásirese, bul ádis metroda qarbalas shaqta tıimdi, ýaqyt únemdeıdi. Buǵan qosa, jolaýshylar burynǵy tólem ádisterin de qoldana alady, - dedi Almaty qalasy sıfrlandyrý basqarmasynyń basshysy Oljas Jańabek.