Azıa chempıonatynda Qazaqstan quramasy úshinshi orynda keledi
Astana qalasynda ótip jatqan grek-rım kúresinen eresekter arasynda Azıa chempıonatynda qazaqstandyq Ibragım Magomadov «altyn» aldy, dep habarlaıdy Almaty-akshamy.kz QazAqparatqa silteme jasap.
Ibragım Magomadov (72 keli) ırandyq Saıad Álı Imentalabfomanımen sheberlik baıqasty. Ol qarsylasynan 5:2 esebimen basym tústi.
Ibragım shırek fınalda qyrǵyzstandyq Ádilhan Nurlanbekovti, sosyn Álı Muhamed Kadhımdi jeńdi.
Endi fınalda Dıas Qalen (82 keli) júldeni qyrǵyzstandyq Aqylbek Talantbekovpen sarapqa salady.
El quramasynan Kebispaev (67 keli) keshke qola júldeger atandy. Ol 3-oryn úshin saıysta tájikstandyq Fırýs Mırzoradjabovtan basym tústi.
Sondaı-aq, el quramasynan Ernur Fıdahmetov (60 keli), Oljas Syrlybaı (97 keli) qola júldege talasady.
Eske salsaq, grek-rım kúresinen jarystyń alǵashqy kúninde Nursultan Tursynov (87 keli) kúmis júldeger bolsa, Amanǵalı Bekbolatov (55 keli) pen Muhamedali Mamyrbek (63 keli), Álimhan Syzdyqov (130 keli) qola júlde aldy.
Endi 11-12 sáýirde áıelder, 13-14 cáýirde erkin kúresten saıystar ótkiziledi.
Aıta ketsek, grek-rım kúresinen Azıa chempıonatynda Qazaqstan quramasy úshinshi orynda keledi.