Jerorta teńizinen kelgen Tapinoma magnum qumyrsqalarynyń uzyndyǵy 2-3 mm. Olar Germanıanyń ońtústigine Shveısarıa arqyly jetti, dep habarlaıdy aqshamnews.kz
Bul ınvazıvti túr tez taralýda: alǵashynda Lórrah qalasynda baıqalsa, keıinirek Kel, Geıdelberg, Karlsrýe, al qazir Shtýtgartta da kezdesýde. Bul qumyrsqalar elektr jáne ınternet kabelderiniń symdaryn kemirip, elektr energıasy men baılanystaǵy aqaýlarǵa sebep bolýda.
Sarapshylardyń aıtýynsha, qumyrsqalar aýrý taratpaıdy, biraq keıbir adamdarda qysqa merzimdi alergıa nemese psıhologıalyq stressti týdyrýy múmkin.
Kelde qumyrsqalar úılerge enip, baqsha qorshaýlaryn buzyp jatyr. Olar balalar alańynda mıllıondaǵan qumyrsqadan turatyn alyp kolonıa qurǵandyqtan, alańdy jabýǵa týra keldi.