Túrksib aýdanynda № 42 apattyq gaz qudyǵyn aýystyrý júrgiziledi.
Tutynýshylarǵa gazdy úzdiksiz jáne apatsyz berý úshin D-159 mm orta qysymdy jerasty gaz qubyrynda jumystar júrgizilip jatyr. «QazTransGaz Aımaq» AQ Almaty óndiristik fılıalynyń baspasóz qyzmetiniń málimetinshe, Kassın men Aıbasov kósheleriniń qıylysynda qalpyna keltirý boıynsha sharalar ótkizilýde, dep habarlaıdy Almaty-akshamy.kz.
Esterińizge sala keteıik, 30 qazanda Túrksib jáne Jetisý aýdandary boıynsha Rysqulov – Jansúgirov – Omarov – Serikov – Qulager y/a-Seıfýllın-Aqan Seri – Behter-Dostoevskıı-Lýzın kóshelerindegi turǵyn úıler men nysandarǵa gaz berý toqtatyldy.
İske qosý jumystary 31.10.2023j. bastalyp, gazdan ajyratylǵandardyń kóptigine baılanysty 01.11.2023 jyly aıaqtalady. Osyǵan baılanysty, turǵyndardan «Intergaz Ortalyq Azıa» AQ MGQB Almaty gaz sharýashylyǵy qyzmetkerleri júrgizetin jumystar aıaqtalǵanǵa deıin jáne iske qosý jumystary bastalǵanǵa deıin gaz krandaryn jabýdy jáne ashpaýdy suraımyz.
Májbúrli qolaısyzdyqtarǵa túsinistikpen qaraýdy suraımyz, óıtkeni jumystar Almaty qalasynyń gaz júıelerin apatsyz paıdalaný úshin oryndalady.