Polısıa men qalalyq UQKD qyzmetkerleri Almatynyń Almaly aýdanynda ornalasqan hostelderdiń birinde 14 Nıgerıa azamatyn anyqtady.
Sheteldikterdiń Qazaqstan Respýblıkasynyń aýmaǵynda bolý merzimderi ótkeni belgili boldy, dep habarlaıdy Almaty-akshamy.kz Polisia.kz-ke silteme jasap.
«Qabyldanǵan sharalardyń nátıjesinde QR-dan shyǵýdan jaltarǵany úshin 12 sheteldik azamat ákimshilik jaýapkershilikke tartylsa, taǵy 2 sheteldik PD-nyń qabyldap taratýyna ornalastyryldy. Qazirgi ýaqytta qabyldaýshy jeke jáne zańdy adamdardy anyqtaý boıynsha tıisti sharalar júrgizilip jatyr», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.