Almatyda qarttarǵa arnalǵan ıgi sharalar legi jalǵasyp keledi.
Búgin, 31 qazan kúni «Ardagerler keńesi» qoǵamdyq qoryna sý jańa avtokóliktiń kilti tabys etildi dep habarlaıdy Almaty-aqshamy.kz.
Almatyda qarttarǵa arnalǵan ıgi sharalar legi jalǵasyp keledi. Búgin qazan aıyndaǵy barlyq ıgi sharalardyń qorytyndysy retinde Túrksib aýdanynda «Ardagerler keńesine» sý jańa avtokólik tabys etildi.
Igi shara Túrksib aýdanyna ornalasqan Allur otandyq avtokólik kompanıasynyń aýmaǵynda ótti. Chevrolet cobalt markaly avtokólik kilti atalǵan kompanıanyń «Ardagerler keńesiniń» tóraǵasy Galıa Askarovaǵa tapsyrdy.
«Bul shynynda tamasha syılyq boldy. Bizdiń ardagerler keńesiniń múshelerine, olardyń túrli álýmettik sharalarǵa belsendi qatysýyna múmkindik beredi dep esepteımin. Jalpy, elimizde qarttardy, zeınetkerlerdi qoldaý sharalary tynbaı jalǵasyp keledi. Prezıdent Qasym-Jomart Kemeluly da qarttarǵa kóńil bolý týraly arnaıy tapsyrmalar berip jatyr. Bul buny tek rızashylyqpen qabyldaımyz», – dedi Galıa Askarova.
Ol sondaı-aq, qarttar men zeınetkerlerdiń álýmettik ómirden tys qalmaýyna aıryqsha kóńil bólip kele jatqan qala jáne aýdan ákimderine de óz alǵysyn bildirdi.
Aıta keteıik, Almatydaǵy ózge aýdandarmen qatar Túrksib aýdanynda da aı boıy ardagerler men zeınetkerlerdi qoldaý boıynsha túrli sharalar ótip keldi. Onyń qatarynda azyq-túlik sebetterin taratý, túrli mádenı sharalardy uıymdastyrýlar da bar.
Búgin tabys etilgen sý jańa avtokólik aýdandaǵy ardagerlerge qyzmet kórsetý úshin paıdalanylmaq.