QazaqGaz aldaǵy ýaqytqa boljam jasady.
Ulttyq kompanıa keıbir tutynýshylar úshin tarıfti kóterý qajettigin málimdedi, dep habarlaıdy Almaty-akshamy.kz
Onsyz bolashaqta gaz baǵasy kúrt kóteriledi.
Kompanıa tóraǵasynyń marketıń jónindegi orynbasary Arman Qasenovtiń aıtýynsha, sońǵy jeti jyldyń ishinde ishki naryqta gaz tutyný kólemi eki esege ósti. Boljamǵa sáıkes, 2030 jylǵa qaraı bul kórsetkish 40 mlrd tekshege jetedi. Al QazaqGaz odan tabys kórip otyrǵan joq, kerisinshe, shyǵynǵa jumys istep jatyr. Qazirgi kezde ishki naryqtyń shyǵyny eksportpen óteledi.
"Mysaly, qazir bylaı bolyp tur. Gazdyń bir tonnasyn ortasha eseppen 13 750 teńgege satyp alady. Tasymaldaý shyǵyny – 11 459 teńge. Sonda gazdyń kóterme baǵasy 25 209 bolýy kerek. Biraq qazir bir tonnasy 15 419 teńgeden satylady. Osylaısha árbir teksheden 10 teńge shyǵyn keledi", - dedi Qasenov qoǵamdyq keńestiń búgingi otyrysynda.
Onyń sózine qaraǵanda, kompanıaǵa tabys tússe, qosymsha gaz kólemin óndirýge múmkindik bolady.
"Olaı istemesek, jaqyn arada ishki naryqta gazdyń baǵasy bir ýaqytta kúrt kóteriledi. Basqa jol joq", - dep atap ótti Qasenov.
Osyǵan baılanysty QazaqGaz iri komersıalyq tutynýshylar men sıfrlyq maınıngpen aınalysatyndar úshin bólek tarıf engizýdi usynyp otyr. Sebebi olar arzan gazdyń esebinen biraz aqshasyn únemdeıdi.
"Eger osyny iske asyrmasaq, onda tutynýshylardyń barlyq sanatyna salmaq túsedi. Olardyń ishinde qarapaıym halyq, jylý elektr stansıalary bar", - deıdi Qasenov.
Buǵan deıin "QazaqGaz" ulttyq kompanıasy gazdy tutynýdyń "áleýmettik mınımýmyn" engizý bastamasyn kóterdi.