Bıylǵy kúz mezgílínde Almatynyń aua raıy lastanǵany áleumettík jelíde kóp aıtyldy, osy aptadaǵy ūzaq kútken jauyn men qardyń jauuy qalanyń atmosferasyn jeńíldetkendeı boldy. Degenmen, alyp megapolıs úshín ekologıyanyń lastanuyna sebep kóp. Aqshamnews.kz tílshísíníń saualyna jauap bergen Qazaqstan Respublıkasy Ekologıya jáne tabıǵı resurstar mınıstrlígíníń málímetíne saı, qalamyzǵa kún saıyn syrttan keletín kólíktíń ózí 400 myńǵa juyq eken.
Írí qalalarda avtokólík atmosferalyq auanyń lastanuyna aıtarlyqtaı úles qosady.
Almaty qalasy ákímdígíníń aqparaty boıynsha lastaushy zattardyń jalpy shyǵaryndylary jylyna 189 myń tonnadan asady, onyń íshínde 112 myń tonnadan astamy (nemese 60%) avtomobılderdíń shyǵaryndylarynan keledí.
Anyqtama: kún saıyn 400 myńǵa juyq avtomobıl syrttan keledí, qazírgí uaqytta Almatyda 617 myńnan astam avtomobıl tírkelgen.
Almaty qalasyndaǵy atmosferalyq auanyń eń írí lastaushysy «Almaty elektr stantsıyalary» AQ (būdan árí – «AlES» AQ) qūramyna kíretín obektíler bolyp tabylady.
Sondaı-aq, «AlES» AQ qorshaǵan ortaǵa lastaushy zattardyń jıyntyq shyǵaryndylary boıynsha eń írí I sanattaǵy elu obektíníń tízbesíne kíredí
(A. Jaqūtov atyndaǵy JEO-2 jáne JEO-3).
«AlES» AQ-tyń aqparaty boıynsha Almaty JEO-2 jáne JEO-3-men jańǵyrtu jáne rekonstruktsıyalau jobalaryn íske asyru boıynsha jūmystar jalǵasuda. JEO-2 boıynsha zıyandy zattar shyǵaryndylaryn 93%-ǵa, 37,0 myń tonnadan 2,5 myń tonnaǵa deıín, JEO-3 boıynsha 88%-ǵa 12,0 myń tonnadan 1,5 myń tonnaǵa deıín tómendetu josparlanyp otyr Emıssıyalardy tómendetuge Qazaqstan Respublıkasynyń eń úzdík qoljetímdí tehnologıyalardy engízu jóníndegí talaptary deńgeıínde atmosferaǵa zıyandy zattardyń shyǵaryluyn qamtamasyz etetín tıímdí gaz turbınaly qondyrǵylarda tabıǵı gazdy paıdalanu esebínen qol jetkízíletín bolady. Azot oksıdí shyǵaryndylarynyń azayuyna azot oksıdteríníń 35 mg/nm3 (qazírgí uaqytta kontsentratsıyasy 680 mg/nm3), kómírtegí oksıdíníń 15-45 mg/nm3 (qazírgí uaqytta kontsentratsıyasy 110 mg/nm3) deńgeıínde túzíluíníń tómen deńgeıín qamtamasyz etuge múmkíndík beretín tómen emıssıyaly janu kameralaryn paıdalanu arqyly qol jetkízíledí.
Almaty qalasy ákímdígíníń aqparaty boıynsha qazírgí uaqytta Almaty qalasynyń atmosferalyq auasyn qorǵau jóníndegí qaǵıdalardyń jobasyn ázírleu ayaqtaluda. Osy Qaǵıdalar sheńberínde halyqaralyq tájírıbe negízínde ótpelí kezeńí bar shyǵaryndylar deńgeıí tómen aımaqtardy (LEZ) kezeń-kezeńímen engízu josparlanuda. Búgíngí tańda avtokólík qūraldarynan lastaushy zattar shyǵaryndylarynyń eseptík kólemí jylyna 112 myń tonnadan asady, onyń íshínde EVRO-0 ekoklasty avtomobılderdíń úlesíne shyǵaryndylardyń jalpy kólemíníń 84%-y keledí (2025 jylǵy 1 shíldedegí jaǵdaı boıynsha Almaty qalasynda 647 534 avtomobıl tírkelgen, onyń íshínde 20 jyldan asqan 189 452 jeńíl avtomobıl (2005 jylǵa deıín shyǵarylǵan).
Almaty qalasynyń jeke sektoryn gazdandyru úlesí 99,4% qūraıdy. 907 jeke úı gazben jabdyqtauǵa qosylmaǵan kúıínde qalyp otyr. Halyqtyń áleumettík osal toptary sanatyndaǵy tūrǵyndardyń 126 úıín qosu úshín demeushílík qarajat tartyldy. Qalǵan úıler boıynsha 2025 jylǵy byudjette gazben jabdyqtauǵa qosylu qūnynyń 50%-na subsıdıyalar kózdelgen.
