Astanadaǵy Qazaqstan sport kesheninde WorldSkills Kazakhstan–2025 H respýblıkalyq chempıonaty qorytyndylandy. Bıyl alǵash ret Almaty kolejderiniń qurama komandasy jalpykomandalyq medal esebinde 1-orynǵa ıe boldy.
Osy jyly chempıonat keńeıtilip, 15 jańa quzyrettilik engizildi. Baıqaýǵa eldiń 20 óńirinen 825 stýdent jáne 719 sarapshy qatysty. Almaty atynan 44 quzyrettilik boıynsha 52 qatysýshy men 44 sarapshy synǵa tústi.
Jarys nátıjesinde almatylyq komanda 5 altyn, 5 kúmis, 3 qola medal jáne 19 «Úzdik» medalónyn jeńip alyp, medaldyq eseptiń kóshbasshysy atandy.
Qazaqstan Prezıdenti jarıalaǵan Jumysshy mamandyqtary jyly aıasynda ótken chempıonat tehnıkalyq ári kásiptik bilimniń bedelin arttyrýǵa baǵyttalǵan.