2025 jyldyń mamyr aıynda Almaty qalasynyń bílím berudegí jańa tehnologıyalardyń qalalyq ǵylymı-ádístemelík ortalyǵy men Almaty qalasy Damu ortalyǵynyń bílím beru jáne medıtsınadaǵy jobalar bólímíníń basshysy Máulesheva Álıya Andarevnanyń jetekshílígímen Blumberg qaıyrymdylyq ūıymynyń «Global Scholars» pılottyq jobasy íske qosyldy.
«Global Scholars» — būl dúnıejúzíndegí qalalarda tūratyn 10–13 jas aralyǵyndaǵy oqushylarǵa arnalǵan halyqaralyq vırtualdy almasu baǵdarlamasy. Jobanyń erekshelígí — onlaın-talqylau alańdary men naqty uaqyt rejımíndegí kásíbı damu baǵdarlamalary arqyly oqushylar men pedagogterge yntalandyrushy baılanystar ornatuǵa múmkíndík beretín tehnologıyalardy qoldanu. Búgíngí tańda baǵdarlamaǵa álemníń 39 elínen, 119 qalasynan 127 000-ǵa juyq oqushy men 3100 pedagog qatysqan.
Almaty qalasynda būl joba ayasynda kelesí pılottyq orta bílím beru ūıymdary anyqtaldy:
-
№15 gımnazıya,
-
№34 gımnazıya,
-
№28 lıtseı,
-
162 mektep-gımnazıya,
-
№26 jáne №69 jalpy bílím beretín mektepter.
Kelesí qadam retínde — osy mektepterdegí pedagogterdíń shyǵarmashylyq toptaryn jáne oqushylardyń pılottyq toptaryn qalyptastyru josparlanuda. Barlyq qatysushylar halyqaralyq jobanyń ınternet-platformasyna qol jetkízíp, 2025–2026 oqu jylynda «Salauatty tamaq» taqyrybymen jūmysyn bastady.
Joba qatysushylary naqty jáne ózektí máseleler boıynsha bírlese jūmys ístep, óz eńbekterín álemníń túkpír-túkpíríndegí qūrdastarymen bólísedí. Baǵdarlama modelí — oqushylardyń sūraqtaryn talqylauǵa jáne kerí baılanys jasauǵa negízdelgen. Synyp íshíndegí qarym-qatynas pen halyqaralyq onlaın-dıalog ózara tolyqtyrylyp, jahandyq máselege qatysty bílím kózíne aınalady.
Oqushylar ár apta saıyn elektrondyq synyptarda ǵalamdyq máselelerdí sheshu joldaryn bírlesíp zerttep, talqylau taqtalarynda ıdeya almasady. Synyp íshínde osy ıdeyalar pysyqtalyp, jahandyq problemalardy sheshuge baǵyttalǵan jobalyq jūmysqa aınalady. Būl úderís oqushylardyń:
-
jahandyq máselege baǵdarlanǵan jáne naqty oqu nátıjeleríne baǵyttalǵan jobalarmen jūmys ísteuíne,
-
jeke baqylauǵa negízdelgen shynaıy tapsyrmalardy oryndauyna,
-
sandyq ortada qarym-qatynas daǵdylaryn damytuyna yqpal etedí.
Jobany tıímdí júzege asyru maqsatynda, Almaty qalasy Bílím basqarmasy men QBBJTǴÁO ádískerí L.B. Petrova pılottyq mektepterdíń pedagogteríne arnalǵan aı saıynǵy dóńgelek ústelder men semınarlar ótkízudí josparlady. Būl kezdesulerde jobany júzege asyrudaǵy ózektí máseleler men tıímdí ádíster talqylanady.
5 jeltoqsanda №69 jalpy bílím beretín mekteptíń bazasynda «Global Scholars: First Steps» atty semınar óttí. Jıyn pılottyq mektepter mūǵalímderíníń tájírıbe almasu alańyna aınaldy. Ís-sharany Almaty qalasy Damu ortalyǵynyń bílím beru jáne medıtsınadaǵy jobalar bólímíníń basshysy Álıya Máulesheva men №69 mekteptíń dırektory Sáule Tóreqūlova qūttyqtau sózímen ashty.
QBBJTǴÁO ádískerí L.B. Petrova óz bayandamasynda jobanyń mání men alǵashqy jetístíkterí turaly málímet berdí. №28 lıtseıdíń mūǵalímí Manzura Satanova oqushylarmen jūmysty tıímdí ūıymdastyru joldary jónínde píkír bíldírse, №15 gımnazıyanyń mūǵalímderí Kamılya Bólegen men Aslan Seríkqanov onlaın jáne synyptaǵy sabaqtardy júrgízu tájírıbesímen bólístí. №69 mektep mūǵalímderí Elena Dyakına, Elena Nakostık, Dıana Bakaeva jáne Nazıma Sembaeva oqushylardy pándík termınologıya men funktsıonaldyq tíldí úıretu strategıyasy boıynsha praktıkalyq sheberlík saǵatyn ótkízdí.
Semınarǵa qatysushylar jobanyń mańyzdylyǵyn atap ótíp, pılottyq mektepterdíń mūǵalímderí men oqushylarynyń shyǵarmashylyq toptary qol jetkízgen nátıjelerge joǵary baǵa berdí.
Sonymen qatar, shyǵarmashylyq toptardyń pedagogterí «Global Scholars» platformasynda jobalyq jūmysty ūıymdastyru jáne basqaru boıynsha qashyqtyqtan tegín bílíktílíktí arttyru kursynan ótíp, halyqaralyq sertıfıkattarǵa ıe bolatyndyǵy qatysushylar úshín erekshe qyzyǵushylyq tudyrdy.
Peruza Asylbek,
QBBJTǴÁO ádískerí