Almaty ákimi Jetisý aýdany turǵyndarymen kezdesti.
Aýdan turǵyndarymen ótken kezdesýde qala turǵyndary kókeılerinde júrgen suraqtaryn qoıdy, dep habarlaıdy Almaty-akshamy.kz.
«Men barlyq jańa kóp qabatty qurylysty Gate City-ge kóshirýdi, ıaǵnı qalanyń ekologıasyna júktemeni azaıtý úshin Almatyda az qabatty úılerdi ǵana qaldyrýdy usynamyn», - dedi aýdan turǵyndarynyń biri.
Bul suraqqa Almaty ákimi Erbolat Dosaev:
«Ekologıa boıynsha keshe Prezıdent bizdiń jasyl dálizder boıynsha jobamyzdy qoldady. Joba aıasynda qalada ózender men kósheler boıyn kógaldandyryrylyp, ekologıalyq kólik túrlerine kóshedi. 2025 jyldyń sońyna deıin bizde dızelmen júretin birde-bir avtobýs bolmaıdy.
Biz sondaı-aq jel ekpini dep atalatyn máselelerdi sheshemiz. Biz qazir máseleniń ońtaıly sheshimin tabý úshin ǵalymdarmen jumys isteýdemiz. Biraq, eń bastysy, eger tıimdi ekologıalyq kólik bolsa jáne jylytý maýsymynda biz kómirden jáne qatty otynnyń basqa túrlerinen arylsaq, onda qaladaǵy jaǵdaıdy aldaǵy úsh jylda jaqsartamyz dep oılaımyn», - dep jaýap berdi.
Qalalyq «jasyl dálizderdi» qurý jónindegi is-qımyl jospary Dúnıejúzilik bankpen birlesip ázirlenýde. Osy bastamalar aıasynda jalpyǵa qoljetimdi jasyl keńistikterdiń úzdiksiz tizbegin qalyptastyrý, sondaı-aq Almaty aglomerasıasynyń aýmaǵyndaǵy ózender men kanaldar arnalary boıyndaǵy kógaldandyrylǵan aýmaqtardy ulǵaıtý josparlanýda.