Túrkistan oblysynda zańsyz áreketter jasaǵan sottalýshylar jazalandy, - dep habarlaıdy aqshamnews.kz tilshisi.
Túrkistan oblysy prokýratýrasynyń Sotaldy tergep-tekserý basqarmasynyń arnaıy prokýrorlary qylmystyq-atqarý júıesi mekemesi ákimshiliginiń talaptaryna jappaı baǵynbaý deregi boıynsha qylmystyq isti sotqa joldady.
Tergeý barysynda anyqtalǵany, qylmystyq-atqarý júıesiniń №55 mekemesinde qatań ustaý jasaǵynda aýyr jáne asa aýyr qylmystary úshin jazasyn ótep jatqan alty sottalýshy aldyn ala sóz baılasý arqyly mekeme ákimshiliginen zańmen tyıym salynǵan - túnde teledıdar kórý, serýendeýge shyǵý, óz betinshe tamaq daıyndaý, belgilengen kıim úlgisin kımeýge jáne zańnamada tyıym salynǵan ózge de jeńildikter berýdi talap etken.
Zańsyz áreketterin ázirleý maqsatynda ózderine jaraqattar salǵan.
Sot sottalýshylardyń árqaısysyna 5 jyldan 10 jylǵa deıin bas bostandyǵynan aıyrý jazasyn jáne ony burynǵydan da qatań jaǵdaıda óteý týraly úkim shyǵardy.
Túrkistan oblysynda talapqa baǵynbaǵan sottalýshylar jazalandy
- 17:28, 10 jeltoqsan 2025
sýret: freepik.com