Deputat Ashat Aımaǵambetov telegram-arnasynda The Economist jurnaly kótergen mańyzdy máselege nazar audardy, dep habarlaıdy aqshamnews.kz
Onyń aıtuynsha, jasandy ıntellekt tek ekonomıka nemese sayasatty ǵana emes, balalardyń balalyq shaǵyn da qalyptastyruǵa kírísken.
«The Economist jurnalyndaǵy maqala jasandy ıntellekttíń jūmysty, ekonomıka men sayasatty ǵana emes, sonymen qatar myzǵymastaı kóríngen balalyq shaqty da ózgertíp jatqanyn kórsetedí», - deıdí.
Aımaǵambetov qazírgí oıynshyqtardyń tehnologıyalanyp bara jatqanyn atap óttí.
«Qazírgí oıynshyqtar "aqyldy" bolyp barady, sol JI qosylǵan jańa quyrshaqtar balalarmen sóılesedí, repetıtorlar tsıfrlyq formatqa kóshude. Al keıbír elderde balalar dostaryna qaraǵanda, chat-bottarmen kóbírek syrlasatyn bolǵan», — deıdí deputat.
Būl trend balalarǵa jańa múmkíndíkter ashsa da, áleumettík damu tūrǵysynan úlken sūraqtar tuyndatyp otyr.
Deputat JI-díń oń áserín de atap ótedí:
«Būryn tek auqatty adamdarǵa ǵana qoljetímdí bolǵan dúnıeler, mysaly, derbes oqytu endí kópshílíkke qoljetímdí boluda» – deıdí deputat.
Alaıda Aımaǵambetov qauípterdí de jasyrmaıdy:
«JI eshqashan sharshamaıdy, renjímeıdí jáne daulaspaıdy. Onymen ǵana sóılesu arqyly bala shydamdylyqqa, emotsıyany oquǵa jáne óz píkírín qorǵauǵa úırenbeıdí», — deıdí ol.
Onyń píkírínshe, tsıfrlyq ortaǵa tym beıímdelgen bala erteń shynaıy ómírdegí adamdarmen qatynas jasauǵa qınaluy múmkín.
Áleumettík daǵdylardy damytu úshín shynaıy orta kerek.
«Būl bízge shynaıy, jandy qarym-qatynasty barynsha kúsheıtu kerektígín taǵy bír dáleldeıdí. Kítap oqu, píkírsaıys qozǵalysy, ózín-ózí basqaru sıyaqty bízdíń mektep jobalarymyz JI dáuírínde ómírlík qajettílíkke aınalyp otyr».- deıdí deputat.