Almaty qalalyq máslıhatynyń XXXIX sessıyasynda 2026 jyldyń byudjet jobasy qaraldy. Joba jóníndegí negízgí bayandamany ekonomıka jáne qarjy basqarmasynyń basshysy Bauyrjan Qūdaıbergenov jasady. Byudjettíń jalpy kólemí 2,8 trln teńge, onyń 2,5 trln teńgesí qalanyń ózíndík kíríster esebínen qalyptasady.
Shyǵys qūrylymyn taldau nátıjesínde damu byudjetíníń úlesí 30,4%-ǵa deıín ūlǵaıyp, ákímshílík shyǵyndar 42,2%-ǵa deıín qysqardy. Sonymen qatar, áleumettík míndettemeler tolyq kólemde saqtalyp, 700 mlrd teńge deńgeıínde qaldy.
Byudjettíń basym baǵyty – kólík jáne ınjenerlík ınfraqūrylymdy jańǵyrtu. Kólík júıesín jetíldíruge 504 mlrd teńge bólíníp otyr. Būl somaǵa BRT jáne LRT jelísín damytu, sondaı-aq, ózge de qoǵamdyq kólík túrlerín engízu jobasy kíredí. Sumen qamtu, su būru men kollektorlardy jańartu syndy ınjenerlík jelílerdí jańartu maqsatynda shamamen 400 mlrd teńge qarastyrylǵan. Shahardy kóríktendíruge 270 mlrd teńge bólíníp, onyń ayasynda «Halyq qatysatyn byudjet» baǵdarlamasynyń jobalary men kógaldandyru jūmystary júzege asyrylmaq.
Áleumettík sala da ózektílígín joımaıdy. Bílím beru júıesíne 487,2 mlrd teńge, densaulyq saqtau salasyna 88,2 mlrd teńge bólínedí. Būl qarjy ambulatorıyalar salu men medıtsına ūıymdaryn jabdyqtauǵa baǵyttalady.Tūrǵyndardy áleumettík qoldauǵa 149,9 mlrd teńge qarastyrylǵan.
Shamamen 110 mlrd teńge mádenıet pen sportqa bólíngen, oǵan nysandardy qaıta jańǵyrtu jáne jańa stadıon qūrylysyn bastau kíredí.
Qalanyń bas qarjygeríníń aıtuynsha, ūsynylǵan byudjet jobasy megapolıstíń tūraqty damuyna, ınfraqūrylymdy jańǵyrtuǵa jáne almatylyqtardyń ómír súru sapasyn arttyruǵa baǵyttalǵan.