Qazaqstanda 1414 qysqa nómírí arqyly jíberíletín SMS-kodtar endí memlekettík aqparattyq júıelerde qoldanylmaıdy, dep habarlaıdy aqshamnews.kz
Jasandy ıntellekt jáne tsıfrlyq damu mınıstrlígí Bas prokuraturamen bírlesíp qauípsízdíktí kúsheıtíp jatyr.
Jańa erejeler ınternet alayaqtardan saqtanu maqsatynda engízíledí. Būryn keıbír memlekettík servısterge bír rettík SMS-kod arqyly kíru múmkíndígí bolǵan.
Alaıda 1414 habarlamasy arqyly jeke derekterdí ūrlau qaupí joǵary. Sol sebeptí aqparattyq júıelerdíń ıeleríne SMS-kodtardy qoldanbaı, qoljetímdílík erejelerín qatańdatu tapsyryldy.
Endí mūndaı jaǵdaıdy boldyrmau úshín 1414 SMS-shlyuzín qoldanatyn barlyq aqparattyq júıelerge kíru tártíbí qatańdady.
Būl protsesster tek bıometrıyalyq autentıfıkatsıya, elektrondyq tsıfrlyq qoltańba nemese eGov QR-kody arqyly ǵana júzege asady. Bıyl jeltoqsannan bastap kórsetílgen míndettí talaptardy engízbegen júıeler 1414 SMS-shlyuzínen ajyratyldy.
Būǵan deıín mınıstrlík 1414-ten keletín kodtyń nesıe rásímdeuge tíkeleı qatysy joq ekenín eskertken. Būl – tek psıhologıyalyq aıla. Alayaqtar SMS-kodty senímge kíru úshín paıdalanady. Sonyń saldarynan aqparat ūrlanyp, mıkrokredıt rásímdeuge qoldanyluy yqtımal, – deıdí jauaptylar.
