Almatyda jáne Qazaqstannyń 16 oblysyna daýyldy eskertý jarıalandy, dep habarlaıdy aqshamnews.kz "Qazgıdromet" RMK-nyń baspasóz qyzmetine silteme jasap.
Túrkistan oblysynyń taýly aýdandarynda kóktaıǵaq, oblystyń ońtústiginde tuman bolyp, taýly aýdandarda jaıaý burqasyn júredi dep kútiledi. Oblystyń batysynda, soltústiginde, taýly aýdandarynda shyǵystan soqqan jeldiń ekpini 15-20 m/s, oblystyń taý asýlarynda 23-28 m/s deıin jetedi. Túrkistanda 11 jeltoqsanda shyǵystan jel soǵady, ekpini - 15-20 m/s.
Jetisý oblysynyń shyǵysynda, taýly aýdandarynda kóktaıǵaq, tuman bolyp, burqasyn júredi dep kútiledi. Oblystyń shyǵysynda, taýly aýdandarynda soltústik-shyǵystan soqqan jeldiń ekpini 15-20 m/s, Alakól kólderi aýdanynda 23-28 m/s deıin jetedi.
Túnde Mańǵystaý oblysynyń ortalyǵynda qalyń qar túsedi, oblystyń ońtústiginde, ortalyǵynda jaıaý burqasyn júrip, kóktaıǵaq bolady dep kútiledi. Túnde jáne tańerteń oblystyń batysynda, soltústiginde tuman túsedi dep boljanady. Túnde oblystyń ońtústiginde, ortalyǵynda soltústik-shyǵystan jel soǵady, ekpini - 15-20 m/s. Aqtaýda 11 jeltoqsanda kóktaıǵaq bolyp, túnde jáne tańerteń tuman túsedi dep kútiledi.
Túnde Atyraý oblysynyń batysynda, ońtústiginde kóktaıǵaq bolady dep kútiledi.
Túnde jáne tańerteń Almaty oblysynyń ońtústiginde tuman, oblystyń soltústiginde, ońtústiginde, taýly aýdandarynda joldarda kóktaıǵaq bolady dep boljanady. Oblystyń soltústiginde, ońtústiginde, taýly aýdandarynda shyǵystan, ońtústik-shyǵystan soqqan jeldiń ekpini 15-20 m/s, keı ýaqytta 24-29 m/s deıin jetedi. Túnde oblystyń soltústiginde, taýly aýdandarynda 25 gradýs qatty aıaz bolady dep kútiledi. Almatyda 11 jeltoqsanda joldarda kóktaıǵaq bolady dep kútiledi. Qonaevta 11 jeltoqsanda joldarda kóktaıǵaq bolyp, shyǵystan, ońtústik-shyǵystan soqqan jeldiń ekpini 15-20 m/s, keı ýaqytta 25 m/s deıin jetedi.
Kúndiz Aqtóbe oblysynyń ońtústiginde qar jaýyp, jaıaý burqasyn júredi, kóktaıǵaq bolady dep kútiledi. Oblystyń ońtústiginde, ortalyǵynda ońtústik-shyǵystan, shyǵystan jel soǵady, ekpini - 15-18 m/s.
Jambyl oblysynda soltústik-shyǵystan jel soǵady, oblystyń ońtústik-batysynda, soltústik-shyǵysynda, taýly aýdandarynda soqqan jeldiń ekpini 15-20 m/s, keı tusta 23-28 m/s, kúndiz oblystyń soltústik-shyǵysynda 30 m/s jáne odan asady dep boljanady. Kúndiz Jambyl oblysynyń taýly aýdandarynda qar jaýyp, tuman túsedi, jaıaý burqasyn júredi, kóktaıǵaq bolady dep kútiledi. Tarazda 11 jeltoqsanda keı ýaqyttarda tuman, kóktaıǵaq bolady dep kútiledi.
Kúndiz Qyzylorda oblysynyń batysynda, ońtústiginde, ortalyǵynda jaýyn-shashyn (jańbyr, qar), kóktaıǵaq bolyp, burqasyn júredi dep kútiledi. Shyǵystan soqqan jeldiń ekpini 15-20 m/s, al oblystyń shyǵysynda 25 m/s deıin jetedi. Qyzylordada 11 jeltoqsanda kúndiz jaýyn-shashyn (jańbyr, qar), kóktaıǵaq bolyp, burqasyn júredi dep kútiledi. Shyǵystan jel soǵady, ekpini - 15-20 m/s.
Kúndiz Qaraǵandy oblysynyń batysynda, ońtústiginde ońtústik-shyǵystan jel soǵady, ekpini - 15-20 m/s.
Ulytaý oblysynyń soltústiginde, shyǵysynda, ońtústiginde ońtústik-shyǵystan, shyǵystan soqqan jeldiń ekpini 15-20 m/s quraıdy, kúndiz oblystyń soltústiginde keı ýaqyttarda 23 m/s deıin jetedi.
Túnde Abaı oblysynyń soltústiginde, shyǵysynda, ońtústiginde qar jaýady, burqasyn júredi, oblystyń soltústiginde, ońtústiginde, ortalyǵynda tuman túsedi dep kútiledi. Túnde oblystyń ońtústiginde, shyǵysynda, ortalyǵynda soltústik-batystan ońtústik-shyǵysqa oıysa soqqan jeldiń ekpini 15-20 m/s qamtıdy.
Túnde jáne tańerteń Shyǵys Qazaqstan oblysynyń soltústiginde, shyǵysynda, ońtústiginde qar jaýady, burqasyn júredi, oblystyń soltústiginde, shyǵysynda, ońtústiginde tuman túsedi dep kútiledi. Oblystyń ońtústik-shyǵysynda, ońtústiginde soltústik-batystan ońtústik-shyǵysqa oıysa soqqan jeldiń ekpini 15-20 m/s quraıdy.
Batys Qazaqstan oblysynyń batysynda, soltústiginde, shyǵysynda tuman túsedi dep kútiledi. Oralda 11 jeltoqsanda túnde jáne tańerteń tuman bolady dep boljanady.
Túnde jáne tańerteń Soltústik Qazaqstan oblysynyń ońtústiginde tuman túsedi dep kútiledi. Túnde jáne kúndiz oblystyń batysynda, soltústiginde, shyǵysynda ońtústik-batystan soqqan jeldiń ekpini 15-20 m/s quraıdy. Petropavlda 11 jeltoqsanda ońtústik-batystan jel soǵady, ekpini - 15-20 m/s.
Pavlodar oblysynyń batysynda, soltústiginde jáne ortalyǵynda da tuman bolady dep boljanady.
Túnde jáne tańerten Aqmola oblysynyń ońtústiginde, shyǵysynda tuman túsedi dep kútiledi. Oblystyń soltústiginde ońtústik-batystan jel soǵady, ekpini - 15-20 m/s.