Shyǵys Qazaqstan oblysynyń polıtsıya departamentíníń málímetínshe, 31 jastaǵy jergílíktí tūrǵyn vandalızm boıynsha kúdíkke ílíndí, dep habarlaıdy aqshamnews.kz
Rıdderde tártíp saqshylary Dańq obelıskísíndegí Máńgílík alauda tauyq etín quyrǵan er adamdy ūstady.
Onyń jeke basyn anyqtau úshín polıtseıler jaqyn mańdaǵy audandardy tekseríp, beınebaqylau kameralarynyń jazbalaryn qarap, kuágerlerden jauap alǵan.
“Būzaqy keshendí jedel ís-sharalar barysynda ūstaldy. Ol “Ǵımarattardy, ózge de qūrylystardy, tūrǵynjaılardy, ortaq paıdalanudaǵy oryndardy, kólík qūraldaryndaǵy jáne basqa da qoǵamdyq jerlerdegí múlíktí qorlau” baby boıynsha jauapkershílíkke tartyldy. Sot sheshímímen ol bes táulíkke ákímshílík qamauǵa alyndy”, – dep habarlady departament ókílderí.
Vedomstvo barlyq adamǵa tarıhı eskertkíshter men qoǵamdyq mańyzy bar nysandardy qūrmetteu kerek ekenín eskerttí. Mūndaı áreketter zańbūzushylyq ákímshílík nemese qylmystyq jauapkershílíkke ákelíp soǵatynyn atap óttí.