Almatyda Qazaqstan Respublıkasynyń Táuelsízdík kúní men Jeltoqsan oqıǵasynyń 39 jyldyǵyna arnalǵan ís-sharalar jospary bekítíldí, dep habarlaıdy aqshamnews.kz
Baǵdarlamanyń negízgí maqsaty – jastar arasynda patrıottyq tárbıení kúsheıtu, ūlttyq tarıh pen eldíń erlíkke toly mańyzdy kezeńderíne degen qūrmettí qalyptastyru.
16-17 jeltoqsan qarsańynda memlekettík mekemelerde, qala kítaphanalary men bílím beru ūıymdarynda taqyryptyq kezdesuler, patrıottyq jáne ádebı-muzykalyq keshter, dóńgelek ústelder, tarıhı-tanymdyq saǵattar, dáríster, ádebı oqular jáne basqa da mańyzdy datalarǵa arnalǵan ís-sharalar ótedí.
Osy kúnderí Respublıka alańyndaǵy Táuelsízdík monumentíne jáne «Táuelsízdík tańy» eskertkíshíne dástúrlí gúl qoyu rásímí ūıymdastyrylady. Oǵan qala basshylyǵy, máslıhat deputattary, Qoǵamdyq keńes múshelerí, 1986 jylǵy oqıǵaǵa qatysushylar, etnomádenı bírlestíkter ókílderí jáne jastar qatysady.
17 jeltoqsanda qalanyń barlyq segíz audanynda 1986 jylǵy Jeltoqsan oqıǵasynda qaza bolǵandardy eske aluǵa arnalǵan as beríledí.
Būdan bólek, qala ákímdígí jeltoqsan qaharmandarynyń azamattyq erlígín dárípteuge jáne jastar arasynda otansúıgíshtík sezímín nyǵaıtuǵa baǵyttalǵan tórt memlekettík áleumettík jobany júzege asyryp jatyr. Atalǵan jobalar ayasynda qaıyrymdylyq aktsıyalary, sporttyq turnırler, shyǵarmashylyq jáne patrıottyq ís-sharalar, taqyryptyq konferentsıyalar men baıqaular ótkízu josparlanǵan.
Būl ís-sharalar tarıhı jadty saqtau, Táuelsízdík úshín kúresken buynnyń erlígíne qūrmet kórsetu jáne osy qūndylyqtardy jas ūrpaqqa jetkízuge baǵyttalǵan.
