Mach erteń Astana ýaqytymen 21:30-da bastalady.
Fýtboldan Qazaqstan ulttyq quramasy Birikken Arab Ámirlikteriniń astanasyna jetip, kezekti joldastyq kezdesýge daıyndyqty bastady, dep habarlaıdy Almaty-akshamy.kz
Habar24 jazýynsha, Magomed Adıev baptaıtyn jigitter bul joly jergilikti quramamen jolyǵady. Mach erteń elorda ýaqytymen 21:30-da bastalady.
Aıta keteıik, Birikken Arab Ámirlikteriniń fýtbolshylary buǵan deıin qatarynan 4 ret jeńilis tapty. Ásirese, Argentına quramasynan 5:0 esebimen utylǵan bolatyn.
«Endi aldaǵy oıynda osy sátsizdikter serıasyn toqtatýǵa tyrysady», - deıdi sport mamandary. Buǵan qosa, bul oıynǵa ulttyq qurama sapyndaǵy Ramazan Orazov qatyspaıdy. Onyń Ózbekstanmen bolǵan oıynda kóz jaraqatyn alǵandyǵyn habarlaıdy otandyq Fýtbol federasıasy. Qalǵan jigitter babynda. Tipti quramaǵa Baýyrjan Islamhan da oraldy. Ol eki jyl buryn dopıng daýyna baılanysty úlken sporttan shettetilgen bolatyn. Baýyrjan Tashkentte ótken machtqa da qatysty. Biraq mergendigimen kózge túse almady. Qazaqstan men Ózbekstan arasyndaǵy oıyn 2:0 esebimen aıaqtalǵan bolatyn.