Áleýmettik osal topqa jatatyndardan tólem alynbaıdy.
Ekologıalyq tólem somasy ár óńirde ártúrli, dep habarlaıdy Almaty-akshamy.kz
Elimizdiń 27 erekshe qorǵalatyn tabıǵı aýmaǵyna kirý aqysyn kóteriledi.
Qazaqstannyń Ekologıa mınıstrligi respýblıkalyq mańyzy bar erekshe qorǵalatyn tabıǵı aýmaqtar usynatyn qyzmetter úshin tarıfterge ózgerister engiziletin buıryq daıyndady. Qujat mátini Ashyq NQA portalynda jarıalandy. Orman sharýashylyǵy jáne janýarlar dúnıesi komıtetiniń respýblıkalyq memlekettik mekemeleri usynatyn qyzmetter úshin, erekshe qorǵalatyn tabıǵı aýmaqtarǵa kirgende alynatyn tarıfterdiń mólsheri kórsetilgen.
Onda kúnine bir adamǵa shaqqanda jeke tulǵalar úshin aýmaqtardy sanıtarlyq tazalaý jáne abattandyrý jónindegi qyzmet kórsetý, motosıklderdiń, mopedterdiń, kvadrosıklder men jeńil avtomobılderdiń kirýi úshin alynatyn tólem kórsetilgen. Sondaı-aq 16 orynǵa deıingi shaǵyn avtobýstar men júk avtomobılder, 32 orynǵa deıin avtobýstar jáne 32 den asa orny bar avtobýstardyń kirýi úshin tólem somasy belgilengen. Máselen, «Sharyn» memlekettik ulttyq tabıǵı parkinde bir adamǵa ekotólem 0,2 AEK (2024 jyly 738 teńgeni) quraıdy. Al motosıkl, mopedtermen kirý 0,4 AEK (1476 teńge), jeńil avtokólik 0,7 AEK (2584 teńge), 16 orynǵa deıingi mıkroavtobýstar 2,5 AEK (9230 teńge), 32 orynǵa deıingi avtobýstar 5 AEK (18 460 teńge) bolsa, 32 orynnan kóp avtobýstar 7 AEK (25 844 teńge) tóleıtin bolady.
Aıta keteıik, ulttyq parkter aýmaǵyna kirgende áleýmettik osal topqa jatatyn tulǵalardan tólem alynbaıdy. Atap aıtqanda zeınetkerlerden, múgedektigi bar adamdardan, Uly Otan soǵysynyń ardagerlerinen, basqa memleketter aýmaǵyndaǵy Uly Otan soǵysynyń ardagerlerinen, jeńildikteri boıynsha teńestirilgen ardagerlerden, eńbek ardagerlerinen, mektep jasyna deıingi balalar tegin kiredi.