Artyq salmaqtan arylamyn dep kóz jumǵan áıel týraly keshe habarlaǵanbyz.
Quralaı Batyrhanovanyń jaqyndary bolǵan iske dárigerlerdi kinálap otyr, dep habarlaıdy Almaty-akshamy.kz
Sózderinshe, marqum tek artyq salmaqtan arylyp, salaýatty ómir saltyn ustanǵysy kelipti. Áıel ota úshin 2 mıllıon teńge tólegen eken. Marqumnyń artynda 3 balasy qaldy.
Áıeldiń jaqyndary naýqastyń kóz jumǵany da birden habarlanbady deıdi. Aıtýynsha, ortalyq dárigerleri otadan soń bári jaqsy bolatynyna 100 paıyz sendirgen.
Mekemeniń bas dárigeri ólimniń naqty sebebi anyqtalmaıynsha aqparat berýden bas tartty.
“Naýqasqa ish maıyn alyp tastaý otasy jasalǵan edi. Men basymdy alyp qashpaımyn. Ólimniń naqty sebebi anyqtalsyn. Ázirge bar aıtarym osy”, – dedi "AMIRA" Plasıkalyq hırýrgıa jáne kosmetologıa klınıkasynyń bas dárigeri Danıar Ýrmýzın.
Al polısıa bul jaıtqa qatysty qylmystyq is qozǵalǵanyn málimdedi. Prosesýaldyq sheshim sot-medısınalyq saraptama qorytyndysy shyqqanda ǵana belgili bolady.