Endi el azamattary eGov.kz portalynda kórsetiletin qyzmettiń kómegimen banktik qaryzdar men mıkrokredıtterdi alýdan sheksiz ýaqytqa óz erkimen bas tarta alady, dep habarlaıdy aqshamnews.kz.
Eske sala keteıik, buǵan deıin nesıeler men mıkrokredıtterdi berýge tyıym salý 6 aıǵa belgilenip, merzimi ótkennen keıin avtomatty túrde alynatyn edi.
«Servısti paıdalanýǵa tek azamattyń ózi ǵana ótinim bere alady. Kredıtter men shaǵyn qaryzdardy resimdeýge tyıym salý merzimsiz ýaqytqa qoıylady. Sondaı-aq paıdalanýshy kez kelgen ýaqytta nesıeler men qaryzdardy alýǵa belgilengen shekteýlerdi alyp tastaı alady. Ol úshin eGov.kz portalynda qyzmet kórsetýdi merziminen buryn toqtatýǵa ótinim berý qajet», delingen habarlamada.
Qyzmetti alý úshin:
- eGov.kz portalynda avtorızasıadan ótip, «Keden jáne salyqtar» bólimine ótińiz;
- Tizimnen «Ekonomıka jáne qarjy» bólimin tańdap, «Banktik nesıelerdi, mıkrokredıtterdi alýdan erikti bas tartý» qyzmetin tańdańyz;
- Qajetti joldardy toltyryp, ESQ kómegimen ótinimge qol qoıyńyz;
- Kórsetiletin qyzmet nátıjesimen Jeke kabınette tanysýǵa bolady.
Buryn belgilengen shekteýlerdi alyp tastaý úshin paıdalanýshy:
- «Banktik nesıelerdi, mıkrokredıtterdi alýdan erikti bas tartý» qyzmetin tańdańyz;
- «Jazylýdan bas tartqyńyz kele me?» degen suraqqa «Iá» dep jaýap berińiz jáne qol qoıýdyń qoljetimdi ádisteriniń birimen ótinimge qol qoıyńyz.
Aıta keteıik, servıs jeke tulǵanyń banktik qaryzdar men mıkrokredıtter alýdan erikti túrde bas tartýdy joıý quqyǵyn bekitýdi kózdeıtin zańnamalyq aktilerge túzetýler sheńberinde iske asyrylǵan.