Bıyl 1 qańtardan bastap jalpyǵa birdeı deklarasıalaýdyń úshinshi kezeńi bastaldy.
Qarjy mınıstrliginiń memlekettik kirister komıteti taratqan aqparat boıynsha, jalpyǵa birdeı deklarasıany endi Kaspi.kz mobıldi qosymshasynda tapsyrýǵa bolady, dep habarlaıdy Almaty-akshamy.kz
Sáýir aıynda qoldanystaǵy elektrondy servıstermen qatar Kaspi.kz mobıldi qosymshasynda jańa yńǵaıly servıs iske qosyldy. Onda jeke tulǵalar 250.00 formaly aktıvter men mindettemeler týraly deklarasıany tapsyra alady.
Esterińizge sala keteıik, 2024 jylǵy 1 qańtardan bastap jalpyǵa birdeı deklarasıalaýdyń úshinshi kezeńi bastaldy. Bıyl jeke kásipkerler, zańdy tulǵalardyń basshylary, quryltaıshylar (qatysýshylar), sondaı-aq olardyń jubaılary "kirý" deklarasıasyn (250.00 forma) usynýǵa mindetti.
2025 jylǵy 1 qańtardan bastap osy deklarasıany halyqtyń qalǵan sanattary usynýǵa mindetti.
Halyqqa yńǵaıly bolý úshin Salyq tóleýshiniń kabıneti, (cabinet.salyk.kz), "Elektrondy úkimet" portaly (egov.kz), "E-Salyq Azamat" mobıldi qosymshasy, Halyk, bcc.kz jáne Kaspi.kz bankterdiń mobıldi qosymshalary arqyly deklarasıany tapsyrýǵa arnalǵan elektrondy servıster iske qosyldy.
Kaspi.kz mobıldi qosymshasynda 250.00 formaly deklarasıany tapsyrý týraly tolyǵyraq "Gıd" bóliminen oqysańyz bolady.
Deklarasıalardy tapsyrý merzimi – 2024 jylǵy 15 qyrkúıekke deıin.