Bul týraly Ortalyq komýnıkasıalar qyzmetinde ótken brıfıń barysynda «Qazgıdromet» RMK baspasóz hatshysy Alına Ismagýlova málimdedi.
Qazgıdromet 2 mamyrǵa arnalǵan aýa raıy boljamyn usyndy, dep habarlaıdy Almaty-akshamy.kz
«Eldiń basym bóliginde atmosferalyq frontaldy bólimder áser etedi, onymen shyǵysta jańbyr jaýady, Qaraǵandy, Abaı, Jetisý oblystarynda túngi ýaqytta jaýyn-shashyn, shyǵysta, ońtústik-shyǵystyń taýly aýdandarynda qatty jaýyn-shashyn (jańbyr, qar) bolady. Respýblıka boıynsha jeldiń kúsheıýi kútiledi, naızaǵaı, ońtústik-shyǵysta - burshaq, daýyl, ońtústik-batysta shańdy daýyl, soltústik-batysta - tuman kútiledi», - dedi Alına Ismagýlova OKQ alańynda ótken brıfıńte.
Túnde Qaraǵandy, Shyǵys Qazaqstan, Abaı oblystarynda 1-3 gradýs úsik kútiledi. Al Mańǵystaý oblysynyń basym bóliginde, Atyraý, Qyzylorda, Túrkistan, Abaı, Qaraǵandy, Aqtóbe oblystarynda órt qaýpi joǵary.