ÍÍM jol qozǵalysyna qatysushylarǵa úndeu jasady, dep habarlaıdy aqshamnews.kz Polisia.kz-ke sílteme jasap.
Qazaqstan Respublıkasynyń Táuelsízdík kúní merekesíne oraı bírqatar júrgízushí kólíkterín Memlekettík tumen bezendíríp, jolǵa shyǵyp, ózderíníń azamattyq ūstanymy men patrıottyq sezímderín kórsettí.
— Qūqyqtyq tūrǵydan memlekettík tudy kólíkke ornalastyrǵany úshín jauapkershílík qarastyrylmaǵan, bíraq qauípsízdík talaptary men Jol júrísí qaǵıdalaryn saqtau míndettí. Bíraq keıbír azamattar merekelík sharalar barysynda jol qozǵalysy erejelerín būzyp, basqa qatysushylarǵa kedergí jasap, kóshelerdí jauyp tastady. Osyǵan baılanysty polıtsıya qyzmetkerlerí zańǵa sáıkes sharalar qabyldauǵa májbúr boldy. Mysaly, 16 jeltoqsanda Shymkent jáne Almaty qalalarynda polıtsıya qyzmetkerlerí kólíkterge tu ílgen, alaıda jol erejelerín būzǵan bírneshe kólíktí toqtatty. Tekseru nátıjesínde júrgízushíler kólíktí basqaru qūqyǵynsyz júrgízgení, apattyq jaǵdaı tuǵyzǵany jáne kólíktí zańsyz jabdyqtaǵany úshín ákímshílík jauapkershílíkke tartyldy. Būl sharalardyń Memlekettík tudy paıdalanuǵa qatysy joq. Sonymen qatar Almaty qalasynda polıtsıya qyzmetkerlerí sharlarmen bezendírílgen qoǵamdyq kólíktíń júrgízushísí men jolaushylaryna olardyń adam ómírí men densaulyǵyna qauíptí ekenín túsíndírdí. Sondaı-aq kólíktí zańsyz toqtatuǵa baılanysty derekter tekserílude. Kínálí polıtsıya qyzmetkerlerí qatań tártíptík jauapkershílíkke tartylady. Polıtsıya memlekettík rámízderge qūrmetpen qaraıdy jáne azamattardy Jol qozǵalysy erejelerín saqtauǵa, tek resmı málímetter men aqparat kózderíne senuge shaqyrady, — dedí ÍÍM ÁPK-níń erekshe tapsyrmalar jóníndegí aǵa ınspektory Aqtoty Boranova