Dúnıejúzilik densaýlyq saqtaý uıymy SARS-CoV-2 koronavırýstyń jańa nusqalaryn belgileý úshin juldyzdar shoǵyrynyń ataýlaryn engizýi múmkin.
Bul týraly halyqaralyq uıymnyń sarapshysy Marıa Van Kerkhove The Telegraph brıtan basylymynyń bergen suhbatynda málim etken, dep habarlaıdy Almaty-akshamy.kz DW-ke silteme jasap.
«Shamasy bizge grek álipbıiniń áripteri jetpeıtin sekildi, kelesi ataýlar legin qarastyryp jatyrmyz», - deıdi Marıa Van Kerkhove. Onyń aıtýynsha, ejelgi grek qudaılarynyń atyn alý usynylǵan. Keıin bul nusqadan bas tartý sheshimine kelgen.
DDSU vırýsty shyqqan jerdiń atymen ataýdy dıskrımınasıa dep tanydy. Mamyr aıynyń sońynda vırýstyń jańa mýtasıasyn grek álipbıiniń 24 árpimen ataı bastady.
COVID-19 aýrýyn týdyratyn SARS-CoV-2 vırýsy indet bastalǵannan beri álemde 202 mln adamnan tabylǵan. 4 mln-nan astam naýqas osy ınfeksıadan óldi. Shamamen 182 mln adam dertinen jazylǵan.