Qonaev qalasynda jergílíktí auqymdaǵy tótenshe jaǵdaı jarıyalandy, dep habarlaıdy aqshamnews.kz
Qonaev qalasynda 12 jeltoqsanǵa qaraǵan túní sekundyna 25 metrden asqan qatty jeldíń saldarynan bírqatar tūrǵyn úıler men ǵımarattardyń shatyrlary zaqymdalyp, kóshelík jaryqtandyru tírekteríníń jūmysy būzyldy.
Qazaqstan Respublıkasynyń «Azamattyq qorǵau turaly» jáne «Jergílíktí memlekettík basqaru jáne ózín-ózí basqaru turaly» zańdarynyń talaptaryna sáıkes, qala ákímí tabıǵı sıpattaǵy jergílíktí auqymdaǵy tótenshe jaǵdaı rejımín engízu turaly sheshím qabyldady.
17 jeltoqsannan bastap Qonaev qalasynda tótenshe jaǵdaı rejımí resmı túrde kúshíne endí.
Zaqymdanǵan nysandarda jóndeu-qalpyna keltíru jūmystaryn júrgízu úshín tótenshe rezerv qarajatyn paıdalanu josparlanyp otyr.
11 jeltoqsannan berí qalanyń kommunaldyq qyzmetterí kúsheıtílgen rejımde jūmys ístep keledí. Qazírgí uaqytta Qonaevtaǵy jaǵdaı tūraqty: elektrmen jabdyqtau, su jáne jylumen qamtu júıelerí shtattyq rejımde jūmys ístep tūr.
