Búginde bul tájirıbege aınaldy
QR Eńbek jáne halyqty áleýmettik qorǵaý mınıstri Tamara Dúısenova jumysshylardy tórt kúndik jumys aptasyna aýystyrý kezinde qandaı sharttardy saqtaý kerek ekenin aıtty, dep habarlaıdy Almaty-akshamy.kz Zakon.kz-ke silteme jasap.
Tamara Dúısenova búginde Qazaqstanda tórt kúndik jumys aptasyna kóshý tájirıbesin qoldanýǵa bolatynyn aıtty.
«Búginde bul tájirıbege aınaldy. Pandemıa kezinde jumys berýshiler jumys ereksheligine qaraı bireýge tórt, bireýge bes, bireýge alty kún jumys isteýge múmkindik berdi. Biraq siz ben biz jalaqyny esepteıtin saǵat normasyn joǵaltpaý úshin arnaıy ıkemdi jumys rejımine tyıym salynbaǵanyn kórsettik. Bul múmkin, biraq jalaqynyń standartyn qamtamasyz etý qajet, ıaǵnı eń tómengi jalaqydan tómen bolmaýy kerek», - dedi Eńbek jáne halyqty áleýmettik qorǵaý mınıstri Tamara Dúısenova.