ǴJBM Joǵary jáne joǵary oqý ornynan keıingi bilim komıteti tóraǵasynyń orynbasary Gúlzat Kóbenova OKQ-da ótken brıfıńte bıyl neshe grant bólingenin aıtyp berdi, dep habarlaıdy almaty-akshamy.kz.
Bıyl bakalavrıatqa túsý úshin 79 myńǵa jýyq grant bólinip otyr. Memleket basshysynyń tapsyrmasy boıynsha tehnıkalyq baǵyttarǵa asa nazar aýdarylady. Osylaısha, barlyq granttyń 60% tehnıkalyq mamandyqtarǵa bólindi, - dedi komıtet ókili.
Kóbenovanyń aıtýynsha, granttardyń basym bóligi «Injenerlik, óńdeý, qurylys salalary» bilim berý baǵdarlama toptaryna bólindi, olardyń sany 19 344 grant.
Al «Pedagogıkalyq ǵylymdarǵa» – 13 735 grant, «Aqparattyq-kommýnıkasıalyq tehnologıalar» salasyna – 10 903 grant, «Jaratylystaný ǵylymdary, matematıka jáne statısıka» baǵytyna – 8 288 grant tıesili.