Búgin, 17 shildede elordada «Prezıdent kýbogy» dástúrli halyqaralyq týrnıri bastalady. Ulttyq tenıs ortalyǵynyń jazdyq hard kordtarynda ATP Challenger Tour jáne ITF Women's World Tennis Tour serıalarynyń halyqaralyq týrnıri ótedi, dep habarlaıdy Almaty-akshamy.kz Inform.kz-ke silteme jasap.
Qazaqstan tenıs federasıasynyń málimetinshe, keshe ATP Challenger Tour serıasyndaǵy erler týrnıriniń biliktilik, jeke jáne juptyq básekelerine resmı jerebe tartyldy. Negizgi kestede qazaqstandyqtardyń ishinde Dmıtrıı Popko men Jańa Zelandıa ókili Rýbın Stethemmen, Mıhaıl Kýkýshkın monakalyq Lýkas Katarınmen, Al Tımofeı Skatov biliktik saıysynda jeńiske jetken tenısshimen oınaıdy. Denıs Evseev reseılik Álibek Kachmazovpen baq synaıdy.
Uıymdastyrýshylardan wild card alǵan tenısshilerdiń de qarsylastary belgili. Atap aıtqanda, Grıgorıı Lomakın ýkraınalyq Ilá Marchenkomen, Beıbit Júkeev japondyq Imaı Shıtaromen kúsh synassa, Dostanbek Tashbýlatov biliktik synynan súrinbeı ótken oıynshyǵa qarsylas bolady. Biliktilik synynda Qazaqstannyń tórt oıynshysy kortqa shyǵady: Arsylanbek Aıtqulov estonıalyq Danııl Glınkamen, Islam Orynbasar grýzıalyq Zýra Taemaladzemen, Nıkıta Sıdorov taǵy bir grýzıalyq Saba Pýrtseladzemen, al Maksım Batútenko belarýs Ivan Lútarevıchmen oınaıdy.
Juptyq synda jerebe nátıjesi mynadaı: qazaqstandyq Grıgorıı Lomakın men zımbabvelik Bendjamın Lúk jarysty ekinshi aınalymnan bastaıdy. Arsylanbek Aıtqulov pen Maksım Batútenko Denıs Evseev (Qazaqstan) pen belarýs Ivan Lútarevıchpen, Beıbit Júkebaev pen reseılik Ian Bondarevskıı estonıalyq Danııl Glınka jáne Karl Saarmen, Dmıtrıı Popka men ızraıldik Danıel Sýkkerman Dostanbek Tashbýlatov pen Maksım Shınamen (Ózbekstan) kúsh synasady.
Al áıelder týrnıriniń jerebe tartý rásimi búgin ótedi.