Qazaqstandyq bilim berý uıymdarynda tamaqtandyrý sapasyna kúndelikti monıtorıń júrgizý engizildi
Bul týraly QR Úkimetiniń otyrysynda baıandama jasaǵan Oqý-aǵartý mınıstri Ǵanı Beısembaev málimdedi, dep habarlaıdy aqshamnews.kz.
Bul jóninde Oqý-aǵartý mınıstrliginiń baspasóz qyzmeti habarlady.
Mınıstrdiń aıtýynsha, bıylǵy jyly tıisti normatıvtik quqyqtyq talaptar kúsheıtildi. Atap aıtqanda, bilim berý uıymdaryndaǵy tamaqtandyrý standarttary Dúnıejúzilik densaýlyq saqtaý uıymynyń usynystaryna sáıkes qaıta qaraldy.
«Mektepke deıingi jáne orta bilim berý uıymdaryndaǵy tamaqtandyrý sapasyn arttyrý maqsatynda kúndelikti monıtorıń engizildi. Mektep aspazdarynyń biliktiligine, olardyń bilimi men eńbek ótiline qoıylatyn talaptar kúsheıtildi. Ónim berýshilerdiń qyzmetin bastamas buryn sanıtarıalyq-epıdemıologıalyq qorytyndysy bolýy týraly shart bekitildi. Sondaı-aq as blogyna beınebaqylaý ornatý mindetteldi», - dedi mınıstr.
Sonymen qatar Ǵanı Beısembaev «Áleýmettik ámıan» jobasy aıasynda tegin tamaq alatyn balalardy avtomattandyrylǵan túrde esepke alý jumystary júrgizilýde ekenin atap ótti.
Densaýlyq saqtaý mınıstrligimen birlesip bilim berý uıymdarynda tamaqtanýdyń jańa standarty ázirlendi, ony 2025 jyldan bastap qoldanysqa engizý josparlanýda. Esterińizge sala keteıik, budan buryn eki vedomstvo basshysy mundaı sheshimdi bilim berý uıymdaryndaǵy tamaqtandyrý sapasyna birlesip baqylaý júrgizý barysynda qabyldaǵan bolatyn.