Elimizde tabıǵı ýaqyt beldeýi 8 ret ózgergen eken
Besinshi ýaqyt beldeýi geografıalyq turǵydan elimizdiń kóp bóligin qamtıdy. Oljas Bektenov SIM men MAM-ǵa neǵurlym túsinikti aqparattyq-túsindirý naýqanyn júrgizýdi tapsyrdy, dep habarlaıdy aqshamnews.kz
Primeminister.kz caıtynyń habarlaýynsha, úkimet otyrysynda saýda jáne ıntegrasıa mınıstri Arman Shaqqalıev Qazaqstannyń 5-shi ýaqyt beldeýine kóshýiniń artyqshylyqtary týraly baıandady
Mınıstr sheshim qabyldaý kezinde Parlament depýtattary, memlekettik jáne jergilikti organdardyń ókilderi, ǵalymdar, sarapshylar, ınstıtýttar men qoǵamdyq birlestikter kiretin ýaqytty esepteý tártibi boıynsha arnaıy qurylǵan vedomstvoaralyq jumys tobynyń esebinde kórsetilgen ǵylymı negizdelgen dálelder paıdalanylǵanyn atap ótti. Tabıǵı ýaqyt jaqtaýshylarynyń halyqaralyq alánsy (IANT) Úkimettiń Qazaqstannyń ortalyq jáne shyǵys oblystary úshin geografıalyq boılyqqa sáıkes keletin jáne halyq úshin ońtaıly sheshim bolyp tabylatyn UTC+5 ýaqyt beldeýin belgileý týraly sheshimine oń qorytyndy berdi.
«Qazaqstanda ýaqyt esepteý júıesiniń qalyptasý tarıhy aldyńǵy ýaqyt beldeýi UTC+6 alǵash ret 1930-1931 jyldary dekrettik, ıaǵnı “buıryqtyq” ýaqytty ("ýaqyt beldeýi+bir saǵat") qoldaný arqyly engizilgenin kórsetedi. Aýmaqtardyń kóp bóligi is júzinde 5-shi ýaqyt beldeýinde jatqanyna qaramastan. Jalpy, sovettik kezeńde Qazaqstanda komandalyq-josparly ekonomıka múddesi úshin tabıǵı ýaqyt beldeýi buıryq tártibimen 8 ret ózgerdi. Nátıjesinde Qazaqstan tabıǵı sıklge sáıkes kelmeıtin ýaqyt beldeýlerinde turdy. Osylaısha, UTC+5 bizdiń elimiz úshin jańa beldeý emes, tarıhı negizdelgen ýaqytqa oralý bolyp sanalady», — dep atap ótti Arman Shaqqalıev.
UTC+5 ýaqyt beldeýi elimizdiń halqynyń 76%-dan astamy turatyn (15 mln 240 myń adam) Astana, Almaty, Petropavl, Óskemen, Shymkent, Semeı jáne Pavlodar qalalaryn qosa alǵanda, 67,5-ten 82,5 gradýsqa deıingi boılyqtardy qamtıdy. Búgingi tańda álemniń 195 eliniń 117-si geografıalyq ýaqytty standartty ýaqyt beldeýine múmkindiginshe jaqyn etip tańdady, óıtkeni adamnyń sırkadty yrǵaǵy tabıǵı kúndizgi kezeńmen sınhrondalady. Osylaısha, ýaqyt beldeýin ózgertý týraly qabyldanǵan sheshim ǵylymı negizdelgen jáne ekonomıkalyq turǵydan oryndy sanalady, dedi mınıstr.
Premer-mınıstr saýda jáne ıntegrasıa mınıstri qoldanystaǵy ýaqyt beldeýiniń paıdasyna barlyq jan-jaqty dálelder keltirgenine toqtaldy.
«Úkimet bul sheshimdi qoldaıdy. Elimizdiń aýmaǵynyń kóp bóligi 5-shi ýaqyt beldeýinde ornalasqan, sondyqtan ǵylymı turǵydan bul durys sheshim. Saýda jáne aqparat mınıstrlikterine neǵurlym túsinikti aqparattyq-túsindirý naýqanyn júrgizýdi tapsyramyn», — dep atap ótti Oljas Bektenov.