Elimizdiń barlyq mamandandyrylǵan HQKO-synda tólemderdiń durys júrgizilgenin tekserý maqsatynda júk kólikterin, avtobýstardy jáne basqa da kólikterdi esepke qoıýdyń zańdylyǵyn tekserý júrgizilýde.
QMA bastamasymen aldyn alý jumystary aıasynda Agenttik, Sıfrlyq damý mınıstrligi jáne "Azamattarǵa arnalǵan úkimet" KEAQ ókilderiniń jumys kezdesýi ótti. Taraptar júk kólikteri men avtobýstardy esepke zańsyz qoıý jaǵdaılarynyń jıilep ketý faktileriniń aldyn alý sharalaryn talqylady. Kezdesý barysynda búgingi tańda alaıaqtar qoldanǵan 4 negizgi sqema anyqtalǵany atap ótildi, dep habarlaıdy Almaty-akshamy.kz.
QMA tóraǵasynyń orynbasary Qaırat Bıjanov mundaı kezdesýler aldaǵy ýaqytta mundaı zań buzýshylyqtarǵa qarsy turýdyń birlesken tetikterin ázirleý maqsatynda ótkizilip jatqanyn atap ótti.
«Qylmystyq jaýapkershilik sharalary ǵana máseleni sheshe almaıdy. Bolashaqta mundaı oqıǵalardyń aldyn alý úshin barlyq múddeli tarapty tyńdaý qajet. Bizdiń basty mindetimiz – aldyn alý sharalaryn júrgizilýde», - dedi Bıjanov.
Sıfrlandyrý vıse-mınıstri Asqar Janbakın óz kezeginde aqparattyq júıelerdiń tolyq ıntegrasıasy júrgizilgenin habarlady. Bul VIN engizý kezinde avto týraly barlyq derekti avtomatty túrde aqparattyq júıeden tartýǵa jáne tólenýge jatatyn alymdar men tólemderdi esepteýge múmkindik beredi. Júıeni jańartý HQKO qyzmetkerleriniń avtokólik týraly derekterdi "qolmen" engizýge jol bermeıdi.
Aıta keteıik, 2023 jyldyń tamyz aıynan bastap QMA 23 qylmystyq is tirkedi. Atalǵan ister boıynsha 3 myńǵa jýyq avtokólik ótýde. Memleketke keltirilgen zalal 14 mlrd teńgeden asty. Taraptar osyndaı quqyq buzýshylyqtarǵa qarsy is-qımyldyń ózekti tetikterin ázirleý úshin osy baǵytta odan ári birlesip jumys isteý týraly ýaǵdalasty.