2024 jylǵy 12 naýryzda Premer-Mınıstrdiń orynbasary Serik Jumanǵarınniń tóraǵalyǵymen ótken Syrtqy saýda saıasaty jáne halyqaralyq ekonomıkalyq uıymdarǵa múshelik etý máseleleri jónindegi vedomstvoaralyq komısıa syrtqy saýdany retteý máseleleri boıynsha birqatar sheshim qabyldady.
Qazaqstan aýmaǵynan suıytylǵan munaı gazyn shyǵarýǵa tyıym salý 6 aı merzimge uzartyldy. Buǵan deıin tyıym shekara mańyndaǵy elderge suıytylǵan munaı gazyn shyǵarý jáne ishki naryqta tapshylyqtyń týyndaýyn boldyrmaý maqsatynda salynǵan bolatyn, dep habarlaıdy Almaty-akshamy.kz.
Bıdaıdy avtomobıl, temirjol, sondaı-aq sý kóligimen ákelýge tyıym salý taǵy jarty jylǵa uzartyldy. QR-ǵa bıdaıdy Reseı Federasıasynyń shekaralas aımaqtarynan ákelýdiń jáne ony avtomobıl kóligimen keri eksporttaýdyń «sqemalaryn» iske asyrý qaýpi áli de saqtalýda. Óz ónimderin óndirý jáne tutyný úshin un tartatyn jáne qus ósiretin kásiporyndarǵa temirjol arqyly tasymaldaýǵa erekshe jaǵdaılar jasaldy. Ákelinetin bıdaıdy ishki jáne syrtqy naryqtarda satýǵa bolmaıdy.
Sondaı-aq qytaılyq moıyntirekter óndirýshileri men úndistandyq elektrodtar óndirýshilerine qatysty dempıńke qarsy sharalardy 5 jylǵa uzartý maquldandy. Bul sharalar uqsas taýarlardyń otandyq óndirýshilerin qorǵaý úshin qabyldandy. Moıyntirekter úshin dempıńke qarsy baj salyǵy taýar qunynyń 31,3-41,5%-yn, grafıttelgen elektrodtar úshin 16,04-32,83%-yn quraıdy.