Amerıkalyqtar «Boıngpen» ushýdan jappaı bas tartýda.
Olar arnaıy resýrstardy paıdalaný arqyly minetin áýe kemesiniń túrine qaraı reısterdi jáne tek Airbus bar ushaqtardy tańdap jatyr, dep habarlaıdy almaty-akshamy.kz.
Óıtkeni, Boeing ushaqtarynda túrli apatty oqıǵalar jıi oryn alyp jatqan kórinedi.
Máselen, bir apta ishinde Tehas aspanynda Boeing 737-900 qozǵaltqyshy órtenip, oqys oqıǵa oryn alǵan. Sol sekildi 777-200-diń dóńgelegi San-Fransısko áýejaıynda qulap, birneshe kólikke zaqym keltirdi. Taǵy bir 737 Max 8 ushaǵy basqarýdy joǵaltyp, Húston áýejaıynda ushý-qoný jolaǵynan shyǵyp, ázer toqtatqan.
Al, Sıdneıden Oklendke baǵyt alǵan 787 Dreamliner ushaǵy kenetten kúrt dirildep, 50 jolaýshy zardap shekken. Ázirshe qaza tapqandar tirkelmegen. Aıtý kerek, bul ázirshe. Boeing osy qarqyndy ustaıtyn bolsa...
Boeing óndiristik ınspektorlary jumysshylar kóbinese tehnıkalyq aqaýlardy túzetpeı, olardy basqa brıgadaǵa qaldyratynyn anyqtady. Ushaqtar konveıerden bos bolttarmen shyǵýy tańqalarlyq jaǵdaı emes - sodan keıin esikter nemese dóńgelegi ushyp ketetini.
Boeing qyzmetkerleriniń ózderi óz ushaqtarynda ushqysy kelmeıtinderin moıyndaǵan. Ushaqty jınaqtaý sapasy tómen, jumysshylardyń kóbi zańsyz ımıgranttar nemese óte nashar jumys isteıtin nashaqorlar. Osyndaı tolǵan túıtkildi máseleler týraly habarlaǵandardyń biri «kenetten» óz-ózine qol jumsaǵan. Biraq Boeing basshylyǵy túrli áreketter arqyly barlyq kemshilikterdiń artyn jaýyp, jymysqy áreketterge barýdan taıynar emes. Desek te, korparosıa óz bedeliniń túsip tipti, óz otany AQSH-ta túskenine qaramaı alǵa umtylýda.