Respýblıkalyq baıqaý epıdemıologıalyq jaǵdaıǵa baılanysty onlaın rejımde ótti
Almaty Perınatologıa jáne balalar kardıohırýrgıasy ortalyǵynyń qyzmetkeri Marjan Atageldıeva 2021 jyldyń eń úzdik medbıkesi bolyp tanyldy, dep habarlaıdy Almaty-akshamy.kz ortalyqtyń baspasóz qyzmetine silteme jasap.
Respýblıkalyq baıqaýdyń júldegeri - Marjan Atageldıeva Talǵar joǵary medısınalyq kolejin jáne Kaspıı qoǵamdyq ýnıversıtetin medbıke mamandyǵy boıynsha támamdaǵan.
Medısına salasynda 19 jyldyq tájirıbesi bar almatylyq medbıke Marjannyń Perınatologıa jáne balalar kardıohırýrgıasy ortalyǵynda jumys istep jatqanyna bıyl 10 jyl.
«Respýblıkalyq baıqaý eldegi epıdemıologıalyq jaǵdaıǵa baılanysty onlaın rejıminde ótti. Men jeńiske áriptesterimniń úlken qoldaýynyń arqasynda jettim.Ujymym maǵan kóp kómektesti. Olar meni moraldyq jaǵynan qoldady, mundaı qoldaýdyń bereri kóp», – deıdi Marjan.
Medbıkeniń aıtýynsha, bul baıqaý medısına salasynda onyń ári qaraı damýyna túrtki boldy.