Elordadaǵy "Abý Dabı plaza" órtendi
10 naýryzda saǵat 14:57 mınýtta Órt sóndirý qyzmetiniń «101» púltine Syǵanaq kóshesi, 60/5 mekenjaıynda órt shyqqany týraly habarlama kelip túsken, dep habarlaıdy Almaty-akshamy.kz Elorda.info-ǵa silteme jasap.
Bul týraly TJM baspasóz qyzmeti málimdedi.
Shaqyrtýdyń joǵary nómiri boıynsha Nur-Sultan qalasy TJD órt sóndirý bólimsheleri jedel joldanǵan, 4 mınýtta barǵan órt sóndirý qyzmetkerleri ǵımarattyń 1-qabatynda jeldetkish kamerasy janǵanyn anyqtaǵan.
Zardap shekkender men qaza bolǵandar joq. Órt sóndirýshiler barǵansha, qyzmetkerler men kelýshiler óz betinshe evakýasıalanǵan. Órt ornynda 16 tehnıka men jeke quramnyń 61 adamy jumys istegen. Órt 15:24 mınýtta sóndirilgen.
Eske sala keteıik, bul keshen alǵash ret órtenip turǵan joq. Buǵan deıin de birneshe ret jalynǵa oranǵan bolatyn.