Tamyz aıynyń qorytyndysy boıynsha Qazaqstanda turǵyn úı baǵasy turaqty deńgeıde, al jaldamaly páter quny edáýir ósken, dep habarlaıdy aqshamnews.kz
Krisha.kz saraptamasy boıynsha, bir aıda 18 qalanyń segizinde baǵa tómendedi. Bul rette Aqtaý men Almatyda páterler tıisinshe 2.4 jáne 1.0% - ǵa arzandady. Eń joǵary ósim – Oral (+1.3%), Shymkent (+1.0%), Astana (+0.8%) qalalarynda tirkelgen.
Qalǵan qalalarda ózgerister shamaly ǵana, 1% sheginde. Qazir qaıtalama naryqta satyp alýshylar úshin tıimdi usynystar bar. Olar ózderi úshin eń jaqsy nusqalardy tańdaıdy, al satýshylar kóbinese olardyń talaptaryna beıimdelýge májbúr. Osy kúzde kóptegen satýshylar buryn keıinge qaldyrylǵan suranysty jabýǵa daıyn. Sondyqtan kúzde baǵanyń ósýi múmkin, biraq joǵary básekelestikke baılanysty qarbalas bolmaıdy.
Al qańtar aıynan bastap 11 qalada páterler arzandady. Baǵanyń eń shekti tómendeýi Qaraǵandy, Qyzylorda (-2.5 %), Semeı (-2.0 %), Almaty (-1.9 %), Taraz (-1.8%) qalalarynda boldy. Bul rette, Petropavlda, Aqtaýda segiz aıda baǵanyń ósýi 5% - dan asty. Astanada ortasha baǵalar 1%-ke ósti.
Sonymen qatar, tamyz aıynda jalǵa beriletin turǵyn úı baǵasy birden 8% - ǵa ósti. Qyrkúıek aıynda jaldaý aqysy taǵy da ósýi múmkin.