Portýgalıada órt sóndirý tikushaǵy Soltústik Lamegý qalasynyń mańyndaǵy Dýro ózenine qulady. Apat saldarynan kem degende bir adam qaza taýyp, tórteýi joǵalyp ketti. Bul týraly 30 tamyzda Daily Mail basylymy jarıalady, dep habarlaıdy aqshamnews.kz.
«Portýgalıanyń soltústigindegi ózenge bortta alty adamy bar órt sóndirý tikushaǵy qulaǵannan keıin bir adamnyń denesi tabyldy», - delingen maqalada.
Ushqyshty apat bolǵan jerge jaqyn jerde qaıyqpen júzgen týrıser qutqarǵany atap ótildi.
«Onyń birneshe jeri synǵan jáne apattan keıin gıpotermıadan zardap shegedi, biraq onyń ómirine esh qaýip tónip turǵan joq», — dep jazady tiri qalǵan ushqysh týraly basylym.
Bortta kem degende taǵy bes adam bolǵany belgili. Qazirgi ýaqytta joǵalǵan adamdardy izdeý jalǵasýda. Bıliktiń aıtýynsha, súńgýirler izdeý jumystaryn júrgizýde, ideý operasıasyna teńiz polısıasy men serýendeý qaıyqtary da qatysady.