Qazaqstan azamattary kirgizilmeıtin oıyn aımaqtary birden elimizdiń úsh óńirinde paıda bolýy múmkin, dep habarlaıdy aqshamnews.kz
Basymdyq Mańǵystaý, Jetisý jáne Almaty oblysyna beriledi. Oıyn jáne lotereıa bıznesin retteý komıteti tóraǵasynyń mindetin atqarýshy Ádilet Turǵanbaev týrızmdi damytý sheńberinde Qazaqstannyń birneshe óńirinde oıyn aımaqtaryn qurý múmkindigi qarastyrylyp jatqanyn habarlady.
«Birinshi kezekte bizde týrısik klaster retinde Mańǵystaý oblysy, odan keıin Almaty oblysy men Jetisý oblysy - Alakól bar. Sondaı-aq, biz Qytaımen shekarada birneshe oryndy qarastyramyz», - dedi ol.
Onyń aıtýynsha, halyqaralyq tájirıbe kazınolar men oıyn aımaqtary týrızmniń damýyna, ásirese el ekonomıkasyna qomaqty qarajat ákelýge jáne ınvestısıa salýda taptyrmaıdy. Baıyǵan sheteldik týrıserdi tartýǵa yqpal etedi. Osyǵan baılanysty jańa bastama tek sheteldikterge baǵyttalǵan, al Qazaqstan azamattaryna mundaı kazınolarǵa kirýge tyıym salynady. Olar kirgizilgen jaǵdaıda, oıyn mekemeleriniń ıeleri lısenzıany qaıtaryp alýdy qosa alǵanda, jaýapkershilikke tartylady.
«Qazir biz (normany) memlekettik organdarmen talqylap jatyrmyz. Eger qoldaý kórsetilse, biz ony parlamentke engizemiz», - dedi Turǵanbaev.
Turǵanbaev qazaqstandyqtar úshin Býrabaı men Qonaevtaǵy kazınolar ashyq qala beretinin aıtady.
Investorlardy yntalandyrý úshin qosymsha sharalar da qarastyrylyp jatyr. Atap aıtqanda, kazınolardy olardyń sanyn kóbeıtýge yntalandyrý úshin oıyn ústelderi men avtomattar úshin tólemdi tómendetý usynylady.
«Biz qazir sheteldikterge basa nazar aýdaryp otyrǵanymyzdy eskere otyryp, Ulybrıtanıanyń tájirıbesi boıynsha olardy jeke tabys salyǵyn tóleýden bosatqymyz keledi. Iaǵnı, klıent, eger kazınoda jeńiske jetse, ol barlyq utystardy ózimen birge alyp ketedi. Iaǵnı, ol búdjetke tólemeıdi», - dep atap ótti komıtet tóraǵasynyń mindetin atqarýshy.
Áleýetti ınvestorlarǵa keletin bolsaq, Turǵanbaev qytaılyq, eýropalyq jáne reseılik kompanıalardyń usynystary qarastyrylyp jatqanyn aıtty. Sondaı-aq, jergilikti kásipkerlerdi tartý josparlanýda, óıtkeni sheteldik ınvestorlar táýekelderdi bólý úshin qazaqstandyq seriktestermen yntymaqtastyqqa múddeli.