Taý-ken isi damyp keledi.
Qazaqstannyń mıneraldyq-shıkizat kesheni táýelsizdik jyldarynda álemniń naryqtaǵy talaptaryna tolyq beıimdeldi. Bul týraly OKQ brıfıńinde elimizdiń Ekologıa, geologıa jáne tabıǵı resýrstar vıse-mınıstri Serikqalı Brekeshev málimdedi, dep habarlaıdy Almaty-akshamy.kz. Qazaqtv.com-ǵa silteme jasap.
Aıtýynsha, sońǵy 30 jylda myńnan astam ken orny jer qoınaýyna paıdalanýǵa berilgen. Búginde olardyń árqaısysy memleketke tabys ákelip qana qoımaı, halyqty jumyspen qamtamasyz etip otyrǵanyn atap ótken jón. Respýblıkada mundaı obektilerdiń sany 1,5 myńnan asady.
Spıkerdiń pikirinshe, bul derek eń aldymen, Qazaqstanǵa qomaqty qarjy salymynyń kelýine sebepshi bolady. Máselen, sońǵy 25 jylda elimizge shamamen 73 trln teńge tartyldy. Olardyń 70% jýyǵy munaı-gaz sektoryn damytýǵa baǵyttaldy. Qalǵan bóligi taý-ken metalýrgıa salasyna tıesili. Serikqalı Brekeshev ınvestısıa úshin basym baǵyttar jáne bolashaqqa jospar týraly da aıtyp berdi.
«Basqa da paıdaly qazbalar – vólfram, molıbden, alúmını, qalaıy, sondaı-aq sırek kezdesetin jerler boıynsha jańa ken oryndaryn ashý josparda bar. Salany odan ári damytý baǵytyn aıqyndaý maqsatynda geologıa salasyn damytý tujyrymdamasyn ózektendirý boıynsha jumys júrgizilýde. Al tujyrymdama «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» jobasy aıasynda iske asyrylady. Jumystar geologıalyq barlaý jumystarynyń keıingi kezeńderin júrgizý jáne geologıalyq barlaýǵa ınvestısıalar tartý úshin Qazaqstan aýmaǵyndaǵy keleshegi bar jerlerdi baǵalaı otyryp, geologıalyq qamtý kartalaryn jasaýǵa múmkindik beredi», - dedi QR Ekologıa, geologıa jáne tabıǵı resýrstar vıse-mınıstri Serikqalı Brekeshev.