Saýda mınıstrligi tutynýshylardyń quqyqtaryn qorǵaý komıteti tóraǵasynyń orynbasary Serik Qusaıynov Qazaqstanda satyp alǵannan keıin qandaı taýarlardy dúkenge keri qaıtarýǵa bolmaıtynyn aıtty, dep habarlaıdy aqshamnews.kz.
Onyń aıtýynsha, zań boıynsha, eger zat 14 kún boıy qoldanylmasa jáne jaqsy jaǵdaıda bolsa, kez-kelgen azyq-túlikten basqa taýardy dúkenge qaıtarýǵa bolady.
"Qaıtarylmaıtyn taýarlar – uıaly telefondar, dári-dármekter, medısınalyq buıymdar, ósimdikter, janýarlar, ishkıimder men sharshy metrge eseptelip alynǵan taýarlar", – dedi Serik Qusaıynov.
Ol eger qorektik zatqa jatpasa jáne sapaly bolsa, bul tizimde bolmasa da ony qaıtarýǵa bolatynyn jetkizdi. Aıtýynsha, tek satyp alýshynyń qolynda barlyq japsyrma, chek pen qaptama bolýy mańyzdy. Tek osy jaǵdaıda ǵana ol zańnyń osy normasyn qoldanýǵa quqyly.
Eger satýshy qaıtarylǵan taýar úshin aqshany qaıtarýdan bas tartsa, máseleni de sheshýge bolady. Eger satýshy sońyna deıin aqshany qaıtarýdan bas tartsa, tutynýshylardyń quqyǵyn qorǵaý komıtetiniń aýmaqtyq departamentinen kómek suraýǵa bolady.