Birqatar tasjoldy aqyly etý jobasy júzege asyp jatyr.
Premer-Mınıstr Álıhan Smaıylovtyń tóraǵalyǵymen ótken keńeste avtojol jelisi men kólik ınfraqurylymyn damytý sharalary qaraldy, dep habarlaıdy Almaty-akshamy.kz Úkimettiń baspasóz qyzmetine silteme jasap.
Memlekettik búdjetke túsetin júktemeni azaıtý jáne respýblıkalyq mańyzy bar joldardyń sapasyn jaqsartý maqsatynda qozǵalysy qarqyndy: birqatar tasjoldy aqyly etý jobasy júzege asyp jatyr.
Birinshi kezeńde uzyndyǵy 5,5 myń shaqyrym joldarda beınebaqylaý kameralarymen, lıdarlarmen, baılanys antenalarymen jáne basqa da quraldarmen jabdyqtalǵan 100-ge jýyq baqylaý arkasy ornatyldy. Atap aıtqanda, uzyndyǵy 1,5 myń shaqyrym I sanattaǵy ýchaskeler 2021 jylǵy qarashadan bastap aqyly bolǵan.
Bul jol tósemine kútim jasaýǵa, qozǵalys qaýipsizdigin arttyrýǵa jáne ilespe ınfraqurylymdy damytýǵa múmkindik beredi.
Keńes qorytyndysy boıynsha I kezeń ýchaskelerinde júk kólikteriniń júrip ótkeni úshin aqy alý júıesin iske qosý boıynsha jumysty jalǵastyrý týraly sheshim qabyldandy. Bul birinshi kezekte Qazaqstan aýmaǵy arqyly ótetin tranzıttik kólikke qatysty bolady.
Premer-Mınıstr jol jelisin jańǵyrtý kezinde beınebaqylaýdy kúsheıtýge, júrgizýshiler men jolaýshylardyń qaýipsizdigin arttyrýǵa basa nazar aýdarý qajet ekenin aıtty.