Sý resýrstary jáne ırrıgasıa mınıstrligi gıdrotehnıkalyq qurylystardy salý jáne jańǵyrtý boıynsha 214 joba ázirlep jatyr, dep habarlaıdy aqshamnews.kz
Sý resýrstary jáne ırrıgasıa mınıstrligi gıdrotehnıkalyq qurylystardy salý jáne qaıta jańǵyrtý boıynsha 214 jobanyń jobalaý-smetalyq qujattamalary men tehnıkalyq-ekonomıkalyq negizdemelerin ázirlep jatyr.
Jobalardyń ishinde 21-i jalpy kólemi 1,8 mlrd tekshe metr bolatyn sý qoımalaryn salý jáne qaıta jańǵyrtýǵa arnalǵan. Taǵy 180 joba uzyndyǵy 4024 shaqyrymǵa jetetin 243 sý arnasyn jańartyp, avtomattandyrýdy kózdeıdi. Al qalǵan 13 joba ártúrli basqa da gıdrotehnıkalyq qurylystardy qamtıdy.
«Barlyq joba sý resýrstaryn utymdy paıdalanýdy kózdeıdi. Sondaı-aq avtomattandyrý elementterin qamtıdy. Bul jobalar júzege asyrylsa, 577 myń gektar jerdiń sýarmaly sýmen qamtý jaǵdaıy aıtarlyqtaı jaqsarady. Jobalardyń basym bóligine qatysty qujattardy ázirleý jumystaryn bıyldyń sońyna deıin aıaqtaý josparlanyp otyr», – dedi Sý resýrstary jáne ırrıgasıa vıse-mınıstri Erbolat Ibraıhanov.