Ashhabad qalasynda Ortalyq Azıa elderi úshin mańyzdy halyqaralyq shara – klımattyń ózgerýine arnalǵan VII óńirlik konferensıa ótýde.
İs-sharaǵa 200-den astam qatysýshy, onyń ishinde Ortalyq Azıa memleketteriniń resmı delegasıalary, halyqaralyq uıymdar, qarjy ınstıtýttary men ǵylymı-zertteý ortalyqtarynyń ókilderi qatysyp jatyr.
Konferensıa aıasynda birneshe ózekti másele talqylanýda. Atap aıtqanda:
-
jahandyq klımattyq qarjylandyrýǵa qol jetkizý joldary;
-
klımattyq qarjylandyrý tetikterin ázirleý;
-
óńirlik klımattyq arhıtektýraǵa ulttyq basymdyqtardy ıntegrasıalaý;
-
tómen kómirtekti damý jolyna kóshý boıynsha yntymaqtastyqty nyǵaıtý.
Qazaqstan tarapynan Ekologıa jáne tabıǵı resýrstar vıse-mınıstri Mansur Oshýrbaev sóz sóılep, elimizdiń 2026 jyly ótetin óńirlik klımattyq samıtke erekshe mán berip otyrǵanyn jetkizdi. Onyń aıtýynsha, aldaǵy samıt – óńirlik klımattyq dıalogty tereńdetýge jáne ortaq kúsh-jigerdi úılestirýge arnalǵan strategıalyq alań bolmaq.
Konferensıa nátıjesinde birqatar óńirlik bastamalar men kelisimderge negiz qalanady dep kútilýde. Bul – Ortalyq Azıa elderi arasyndaǵy klımattyq yntymaqtastyqty jańa deńgeıge shyǵaratyn mańyzdy qadam.