Astanada ashylǵan Koventrı ýnıversıtetiniń kampýsy bıyl 400 stýdent qabyldaýǵa daıyn.
Endi talapkerler elden shyqpaı-aq sheteldik joǵary oqý ornynda bilim ala alady, dep habarlaıdy Almaty-akshamy.kz
Ýnıversıtet bıyl 400 jasty qabyldaýǵa daıyn. Mundaǵy basty talap – aǵylshyn tilin jetik bilse bolǵany. Oqýǵa túsýge talaptanǵan stýdentterge bıznes, ınformatıka jáne pedagogıka pánderi oqytylady.
Stýdentterge tálim beretin oqytýshylar halyqaralyq deńgeıdegi bilikti mamandar.
"Koventrı ýnıversıteti Astanada kampýs ashady, óıtkeni qazir Qazaqstan men Ortalyq Azıada sapaly joǵary bilimge suranys bar. Bul úkimettiń bilim berý júıesin jańǵyrtý, ınovasıalyq tehnologıalar men zertteýlerdi ilgeriletý jáne azamattardy jahandaný álemindegi ómirge daıyndaý maqsatyna sáıkes keledi", - deıdi Qazaqstandaǵy "Koventrı" ýnıversıtetiniń damý jáne paıdalaný bóliminiń dırektory Taıra Navaz.