Byltyr mektepke deıingi bilim berý mekemeleriniń tabysy 822,9 mlrd tg, joǵary bilim berý mekemeleriniń tabysy 804,4 mlrd tg qurady.
QR SJRA USB derekterine súıensek, birinshisiniń kórsetkishi kem degende sońǵy onjyldyqta alǵash ret ekinshisinen asyp tústi, dep habarlaıdy Almaty-akshamy.kz
Dál on jyl buryn, 2013 jyly, joǵary oqý oryndarynyń kiristeri balabaqshalardan eki eseden astam bolǵan edi. 2022 jylǵa qaraı joǵary bilim berý sektory mektepke deıingi bilim berýdi nebári 19%-ǵa asyp tústi, al 2023 jyly sábılerge arnalǵan uıymdardyń tabysy kúrt ósip (+41%), aıyrmashylyq joıyldy.
Ásirese, jergilikti búdjetten mektepke deıingi mekemeler alǵan transfertter kólemi bir jyl ishinde qatty ósti: 332 mlrd teńgeden 592 mlrd teńgege deıin.
Bul rette USB-da balalarǵa arnalǵan bilim berý uıymdarynyń sany qalaı ózgergeni týraly derekter joq. Biraq ýnıversıtetter azaıa tústi: 2022 jyldyń kúzinde, oqý jylynyń basynda, 116 mekeme bolsa, 2023 jyldyń kúzinde 112 bolǵanyn aıtyp otyrmyz.